Tags-Azaab

mire bahr o bar ko sameT le mire kūza-gar
mujhe an-kahī mujhe āgahī kā azaab de

jo tum ga.e to mirī nazar pe haqīqatoñ ke azaab utre
ye sochtā huuñ ki kyā karūñgā sarāb saare jhulas ga.e haiñ

ḳhvāb sā kuchh ḳhayāl hai lekin
jaan par ik azaab rahtā hai

dil ko bahlā rahe haiñ muddat se
zindagī kyā azaab se kam hai

letī haiñ baḌh ke sab ke qadam to lagā mujhe
tanhā.ī ke azaab se Dartī haiñ sīḌhiyāñ

jo ham pe guzre the rañj saare jo ḳhud pe guzre to log samjhe
jab apnī apnī mohabbatoñ ke azaab jhele to log samjhe

jin ko gumān thā kahīñ koī ḳhudā nahīñ
qaumeñ na bach sakīñ vo ḳhudā ke azaab se

ik azaab hotā hai roz jī kā khonā bhī
ro ke muskurānā bhī muskurā ke ronā bhī

mire chāra-gar tujhe kyā ḳhabar, jo azāb-e-hijr-o-visāl hai
ye darīda tan ye darīda man tirī chāhatoñ kā kamāl hai

maiñ apne aap se mil kar bahut pashemāñ huuñ
bichhaḌte rahne kā paiham azaab jhel gayā

maiñ zindagī ke hazāroñ azaab jhel gayā
azaab kyā haiñ maiñ kitne hī ḳhvāb jhel gayā

maiñ apnī rūh-e-azāb-gar se ye kah rahā thā
ki ruuh kī pyaas aur badan kī talab meñ

saffāk sarāb se ziyāda
hai ishq azaab se ziyāda

hayāt-e-ishq kī rūdād kyā kahūñ ai 'saif'
azāb-e-shām-o-sahar ke sivā kuchh aur nahīñ

mahsūs kis tarah ho mujhe dhuup kā azaab
'almās' kārobār mirā bād-e-tar se hai

vo haath maar palaT kar jo kar de kaam tamām
baḌe azaab meñ huuñ maiñ savāb letā jā

abtarī āstāna-e-vahshat
rā.egānī azaab kī chaukhaT

tumhāre lafzoñ kī dhīmī ḳhushbū havās-e-ḳhamsa ko nochtī hai
ḳhatoñ kī sūrat meñ sach kahūñ to azaab rakkhe hue haiñ ghar meñ

maut se talḳh hai shāyad tirī rahmat kā azaab
jis ko kahte haiñ ġhazab aisā ġhazab bhī koī hai

vagarna kaun uThātā ye jism o jaañ ke azaab
ye zindagī to mohabbat kā ik bahāna thā