Tags-Azaab

zabāna-zan thā jigar-soz tishnagī kā azaab
so jauf-e-sīna meñ dozaḳh uñDel lī maiñ ne

ye intizār-e-musalsal ye jāñ-kanī ye azaab
har ek lamha jahannam har ek ḳhvāb sarāb

dukhoñ ke ruup bahut aur sukhoñ ke ḳhvāb bahut
tirā karam hai bahut par mire azaab bahut

'munīr' sub.h ke Dhalte hī lau lagī chalne
azaab surat-e-bād-e-sahar bhī aatā hai

vurūd-e-jism thā jaañ kā azaab hone lagā
lahū meñ utrā magar zahr aab hone lagā

ġham dete haiñ to iztirāb na de
zindagī de magar azaab na de

guzārne ko to ham ne baras guzār diye
baḌā azaab hai ghaḌiyāñ shumār karnā bhī

mohabbatoñ kā azaab jhelūñ
nafratoñ kā savāb bhī de

qatra qatra sharāb barse
thoḌā thoḌā azaab bhī de

mujhe vahsh-o-tair se rashk hai ki kabhī unhoñ ko kisī namat
na savāl hai na javāb hai na azaab hai na iqaab hai

vahī dasht-e-azāb-e-māyūsī
vahīñ anjām-kār aayā huuñ

ruḳh kare idhar kā hī har azaab duniyā kā
āsmāñ se jo utre vo balā yahīñ pahuñche

mehñdī na lagā ki jaan merī
hāthoñ se tire azaab meñ hai

ye saarī jannateñ ye jahannam azaab o ajr
saarī qayāmateñ isī duniyā ke dam se haiñ

kuchh to kamī ho roz-e-jazā ke azaab meñ
ab se piyā kareñge milā kar gulāb meñ

tumhāre saath chaleñ ham ne bārhā sochā
hamārī jaan ko lekin azaab itne haiñ

safar meñ tīra-shabī ke azaab itne haiñ
isī liye to pareshān ḳhvāb itne haiñ

shāḳh-e-chaman meñ aag lagā kar gayā thā kyuuñ
ab ye azāb-e-dar-badrī umr bhar uThā

sāñsoñ kā rabt jaise musalsal azaab ho
vo shaḳhs kyā jiye jise terā ḳhayāl hai

maiñ apnī qabr meñ mahv-e-azāb thā lekin
zamāna ḳhush huā dīvāroñ par sajā ke mujhe