Tags : Waiz | Urdu Shayar

kareñ kyā riñd mashrab iḳhtiyār ik maz.hab ai vaa.iz
nahīñ dil toḌnā manzūr haftād-o-do-millat kā

bahke jo ham mast aa ga.e sau baar masjid se uThā
vaa.iz ko maare ḳhauf ke kal lag gayā jullāb sā

bharosa kar ke maiñ apne rahīm par vaa.iz
maza to jab hai ki tujh ko jalā jalā ke piyūñ

itnī ġhalat nahīñ hai ye vaa.iz kī baat bhī
thoḌā bahut savāb kamā lenā chāhiye

ehsan-e-sang-o-KHisht uTha lena chahiye

pī ke dekhī bhī hazrat-e-vā.iz
aap jis ko tuhūr kahte haiñ

dil ko dar-us-surur kahte hain

ik ġhalat sajde se kyā hotā hai vaa.iz kuchh na pūchh
umr bhar kī sab riyāzat ḳhaak meñ mil jaa.e hai

koī vaa.iz na vazīfa ki koī saum-o-salāt
jaan chhūTe mirī ik baar koī mastī ho

ruh hazir hai mere yar koi masti ho

vaa.iz fareb-e-shauq ne ham ko lubhā liyā
firdaus ke ḳhayāl pe ham raqs kar ga.e

aahan ki surKH tal pe hum raqs kar gae

mire ash.ār par ḳhāmosh hai jiz-biz nahīñ hotā
ye vaa.iz vā.izoñ meñ kuchh haqīqat-āshnā hogā

Tags-Waiz