Tags-Waiz

dar-e-pīr-e-muġhāñ chhoḌeñ ye ham se ho nahīñ saktā
koī vaa.iz se kah do tere bahkāne se kyā hogā

vaa.iz kī āñkheñ khul ga.iiñ piite hī sāqiyā
ye jām-e-mai thā yā koī dariyā-e-nūr thā

muñh meñ vaa.iz ke bhī bhar aatā hai paanī akasr
jab kabhī tazkira-e-jām-e-sharāb aatā hai

hūroñ kī sanā-ḳhvānī vaa.iz yuuñ hī kab maanī
le aa ki hai nādānī bātoñ meñ bahal jaanā

vaa.iz ko ye jalan hai shāyad ki farbahī se
rahtā hai hauz hī meñ aksar paḌā magar sā

rindoñ ko 'hafīz' itnā samjhā de koī jā kar
aapas meñ laḌoge tum vaa.iz kā bhalā hogā

are vaa.iz Darā na tū itnā
kyā use darguzar nahīñ aatī

vaa.iz ye suḳhan tirā kabhī aah
ham meñ bhī kuchh asar karegā

kyuuñ na vaa.iz ke taqaddus kā asar ho dil par
roz mai-ḳhāne meñ tasbīh paḌhā kartā hai

koī 'beḳhud' kī jānib se zarā samjhā.e vaa.iz ko
ibādat ko farishte haiñ use mai-ḳhvār rahne deñ

shikāyat mujh ko donoñ se hai nāseh ho ki vaa.iz ho
na samjhā huuñ na samjhūñ sar phirā le jis kā jī chāhe

kār-e-imroz ba-fardā ma-guzār ai vaa.iz
aaj is kūche meñ huuñ ḳhuld meñ kal jā.ūñgā

vaa.iz ke maiñ zarūr Darāne se Dar gayā
jām-e-sharāb laa.e bhī saaqī kidhar gayā

baat itnī sī hai ai vā.iz-e-aflāk-nashīñ
kyā milegā use yazdāñ jise insāñ na milā

uqūbat-hā-e-fardā se Darātā kyā hai ai vaa.iz
ye duniyā rafta rafta ḳhud jahannam hotī jaatī hai

kar lī hai tauba is liye vaa.iz ke sāmne
ilzām-e-tishnagī mire saaqī ke sar na jaa.e

kis sanam ko chhuḌā diyā vaa.iz
le ḳhudā tujh se intiqām mirā

vazīr-o-mīr hoñ yā shaiḳh-o-vā.iz
sabhī logoñ meñ zāhir-dāriyāñ haiñ

jis qayāmat se vaa.iz Darātā hai tū us qayāmat se kam ye qayāmat nahīñ
bār-hā dil pe guzrī hai jo hijr meñ bār-hā jaan par jo guzar jā.egī

manzil tak pahuñcheñ ki na pahuñcheñ raah magar apnī hogī
tū rahne de vaa.iz terā raah batānā dekhā hai