Tags-Waiz

himāqat hazrat-e-vā.is kī dekho
taqāzā-e-vuzū hai aur maiñ huuñ

suntā maiñ kahāñ vā.iz-e-nādān kī nasīhat
gar vāz-o-nasīhat meñ tirā naam na hotā

vaa.iz ḳhatā-muāf ki rindān-e-mai-kada
dil ke sivā kisī kā kahā mānte nahīñ

ham mohabbat ke bande haiñ vaa.iz
ham ko kyā bahs maz.habī se ġharaz

baat vaa.iz kī koī pakḌī ga.ī
in dinoñ kam-tar hai kuchh ham par latāḌ

na samjheñ baat vaa.iz kī ham itne bhī nahīñ nādāñ
kahāñ tak hai bisāt-e-aql-o-dānā.ī samajhte haiñ

ḳhabar kyā thī vaa.iz hai yahī samjhā ki saaqī hai
uThā aur uTh ke jā lipTā maiñ betābāna mastī meñ

aur vaa.iz ke saath mil le shaiḳh
khol aapas ke biich kille shaiḳh

vaa.iz sharāb-o-hūr kī ulfat meñ ġharq hai
hai sar se paañv tak ye sitam-gar tamām hirs

guftār-e-talḳh sheva-e-vā.iz hai mai-kasho
shīrīñ dahan kī aap se kyā baat kījiye

vaa.iz nihāl aaj ḳhushī se hai kis qadar
ik taaza iḳhtilāf kā nukta nikāl ke

utre na kisī ke jab dil meñ us baat kā hāsil kyā vaa.iz
kahne ko kahī yuuñ apnī sī afsos na tū ne kah jaanā

kahe jaatā hai jo vaa.iz sune jaate haiñ ham lekin
jo ahl-e-dil nahīñ us ko hamāre dil se kyā nisbat

koī khulā huā hai to koī chhupā huā
vaa.iz na chheḌ mujh ko gunāhgār dekh kar

maanā vaa.iz baḌā hī allāma hai
mahshar kā zabān pe us ke hañgāma hai

ishq-e-butāñ meñ jab dil uljhā diin kahāñ islām kahāñ
vaa.iz kaalī zulf kī ulfat sab ko raam banā.egī

apnā apnā ye muqaddar hai kahūñ kyā vaa.iz
mahfil-e-va.az tujhe mahfil-e-rindāñ mujh ko

dāḌhī ko tirī vaa.iz sab dekh ke kahte haiñ
vo qasr-e-taqaddus kā chhajjā nazar aatā hai

Darā na nār-e-jahannam se mujh ko ai vaa.iz
mire janam meñ likhe haiñ azaab aur hī kuchh

hai ḳharābāt sohbat-e-vā.iz
log nāhaq ḳharāb hote haiñ