English
Favourite
Favourite
UrduShayarUrduShayar
Expand menu
Sign inAccount

Tags-Waiz

vaa.iz munāza.at kā sabab mujh meñ tujh meñ kyā
masjid tirā mahal hai mirā mai-kada maqām
Ghazal
 naqsh-bar-ab nam hai sail-e-fana maqam
gayā thā raat vaa.iz mai-kade meñ va.az kahne ko
magar niklā vo koī shai chhupā.e nīche dāman ke
Ghazal
 yaqinan hai koi mah-e-munawwar pichhe chilman ke
vaa.iz abas ye zikr-e-azāb-e-shadīd hai
ik tauba qufl-e-rahmat-e-haq kī kalīd hai
Ghazal
 allah-re faiz ek jahan mustafid hai
shahr meñ yaum-e-aman hai vaa.iz
aaj tirī taqrīr nahīñ hai
Ghazal
 jis pe teri shamshir nahin hai
haiñ fasāhat meñ masal vaa.iz o 'hālī' donoñ
dekhnā ye hai ki be-lāg suḳhan kis kā hai
Ghazal
 kabk o qumri mein hai jhagDa ki chaman kis ka hai
vaa.iz ik aib se tū paak hai yā zāt-e-ḳhudā
varna be-aib zamāne meñ chalan kis kā hai
Ghazal
 kabk o qumri mein hai jhagDa ki chaman kis ka hai
nukta-chīñ ho merī rindāna ravish par kyuuñ koī
maiñ koī zāhid nahīñ vaa.iz nahīñ aaqil nahīñ
Ghazal
 ab dimagh-o-dil mein wo quwwat nahin wo dil nahin
ham mohabbat kī alāmat haiñ janāb-e-vā.iz
ham adāvat ke talabgār na kiine vaale
Ghazal
 dam-e-isa yad-e-baiza ke qarine wale
mubārak ho tujhī ko ye ḳhayālistān ai vaa.iz
tirī duniyā meñ rindoñ kā guzāra ho nahīñ saktā
Ghazal
 mohabbat wo maraz hai jis ka chaara ho nahin sakta
ham riñd-e-pareshāñ haiñ māh-e-ramazāñ hai
chamkī huī in rozoñ meñ vaa.iz kī dukāñ hai
Sher
 hum rind-e-pareshan hain mah-e-ramazan hai
mahrūm phir aayā dar-e-mai-ḳhāna se vaa.iz
rindān-e-qadah-ḳhvār kī himmat ko huā kyā
Ghazal
 phir aa gai ek but pe tabiat ko hua kya
le rahā hai dar-e-mai-ḳhāna pe sun-gun vaa.iz
rindo hushyār ki ik mufsida-pardāz aayā
Ghazal
 ab bhi ek umr pe jine ka na andaz aaya
vaa.iz tumhārī jannat-o-dozaḳh kī ḳhair ho
rindoñ kī kā.enāt baḌī duur tak ga.ī
Ghazal
 tanhaiyon ki raat baDi dur tak gai
karte haiñ vaa.iz aap mazammat sharāb kī
kahte haiñ kyā janāb ko mai-ḳhvār kyā kaheñ
Ghazal
 nawak kahen sinan kahen talwar kya kahen
jāntā bhī hai us ko tū vaa.iz
jis ke mast-o-ḳharāb haiñ ham log
Ghazal
 ishq mein la-jawab hain hum log
jis pe jaa.ez zakāt hai vaa.iz
aap ke paas hai vo daulat kyā
Ghazal
 aaj ke daur mein mohabbat kya
vā.iz-e-shahr nahīñ shahr-e-sitamgar bhī tamām
naqd-e-jāñ māñgte haiñ jur.at-e-inkār meñ ab
Ghazal
 aur manzar hain bahut chashm-e-KHaridar mein ab
zeb-e-tan vaa.iz ke dekhī hai qabā-e-zar-nigār
sar pe amāma hai ik dhobī ke gaTThar kī tarah
Ghazal
 zahiran ye but to hain nazuk gul-e-tar ki tarah
jis ke haamī ho ga.e vaa.iz vo baazī le gayā
ahmiyat hai aap kī duniyā meñ joker kī tarah
Ghazal
 zahiran ye but to hain nazuk gul-e-tar ki tarah
kam se kam vo sar-e-bāzār to uchhle kore
le ke pagḌī sar-e-vā.iz se havā ho jaanā
Ghazal
 yun to dushwar hai chhoTe ka baDa ho jaana
Top Urdushayar.com