Tags-Wajood

vo mere vajūd kā sila hai
yā ruuh ke vāste ridā hai

tū bhī mire vajūd se āzād ho gayā
maiñ bhī tire ḳhayāl se aage nikal ga.ī

mire vajūd meñ ābād haiñ ka.ī jañgal
jahāñ maiñ hū kī sadā.eñ lagātā rahtā huuñ

maiñ bhī un kā vajūd lagne lagī
aise khoī huuñ khulte rañgoñ meñ

mire vajūd ko parchhā.iyoñ ne toḌ diyā
maiñ ik hisār thā tanhā.iyoñ ne toḌ diyā

apnā vajūd yuuñ to sameTe hue haiñ ham
dekho in āñdhiyoñ meñ bikhartā hai kaun kaun

mirā vajūd o adam bhī ik hādsa nayā hai
maiñ dafn huuñ kahīñ kahīñ se nikal rahā huuñ

kho ke apnā vajūd añdhere meñ
raat kitnā udaas thā sahrā

zarroñ ke intishār ne mashkūk kar diyā
yuuñ uqda-e-vajūd bhī mīzān-e-ḳhas meñ thā

agar ye rañgīnī-e-jahāñ kā vajūd hai aks-e-āsmāñ se
to phir ruḳh-e-sham-o-ā.ina par khilā hai ye rañg-e-ḳhūñ kahāñ se

mire vajūd ke sab tāne-bāne uljhe haiñ
kidhar kidhar se maiñ suljhā.ūñ aur banūñ ḳhud ko

tamām shahr meñ bikhrā paḌā hai merā vajūd
koī batā.e bhalā kis tarah chunūñ ḳhud ko

ajab shanāvar-e-bahr-e-vajūd haiñ ham bhī
hameñ zamān-o-makāñ kā safar nahīñ aatā

kanār-e-kun se pare hai kahīñ vajūd apnā
ye kārvāñ to ġhubār-e-sadā pe Thahrā hai

bikhrā huā huuñ ḳhvāhish-o-hasrat ke darmiyāñ
jaise mirā vajūd abhī fard fard hai

naqsh hone kī tirī sūrat hai aur
is vajūd-e-be-nishāñ par ḳhaak Daal

ḳhaak kar degā ġhubār-e-vaqt terā ye vajūd
jo ruke tere liye vo kārvāñ koī nahīñ

har ek pal kī udāsī ko jāntā hai to aa
mire vajūd ko tū dil se māntā hai to aa

vajūd-e-zan se hai tasvīr-e-kā.enāt meñ rañg
usī ke saaz se hai zindagī kā soz-e-darūñ

is vajd meñ vajūd kahāñ hai mirā vajūd
jaane kahāñ pe saarī kī saarī ga.ī huuñ maiñ