Collections

Lab Shayari

Motivational Ghazals

Best Khamoshi Shayari

More Collections

Tags-Waqt

kar ke hāthā-pā.ī Dolī meñ kiyā un ko savār
saaf ThanDī ho ga.iiñ vaqt-e-savārī chūḌiyāñ

hath malwati hain huron ko tumhaari chuDiyan

us ke liye bhī ġham-za-e-nāz-o-adā kā vaqt hai
apne liye bhī mausam-e-hijr-o-visāl hai nayā

dil ki masarraten nai jaan ka malal hai naya

dhuup kā ehsās jaane kyuuñ use hotā nahīñ
vaqt āvāra hai ThanDī chhāñv meñ hotā nahīñ

dhup ka ehsas jaane kyun use hota nahin

safed hone lagīñ haiñ hamārī bhī qalameñ
nishān paḌne lagā vaqt ke guzarne kā

hunar nahin jo hawaon ke par katarne ka

maiñ kho gayā huuñ kahīñ vaqt ke tahayyur meñ
mire ḳhudā mire din raat maah o saal banā

jawab jis ka nahin koi wo sawal bana

maiñ ne hālāñki bahut vaqt guzārā hai yahāñ
ab maiñ is shahr meñ pal bhar nahīñ rahne vaalā

nahin aisa bhi ki yaksar nahin rahne wala

sunā hai jāda-navardān-e-sub.h ke hamrāh
ba-faiz-e-vaqt ka.ī rah-ravān-e-shab bhī chale

chhupae dil mein hum akasr teri talab bhi chale

dostoñ rahne bhī do jhūTī tasallī kis liye
vaqt achchhā kaT rahā hai mushkiloñ ke darmiyāñ

jis ne rakkha hai hamesha nafraton ke darmiyan

ghabrā ga.e haiñ vaqt kī tanhā.iyoñ se ham
uktā chuke haiñ apnī hī parchhā.iyoñ se ham

ghabra gae hain waqt ki tanhaiyon se hum

bose do tiin to le lene dī mujh ko lillāh
kaam ke vaqt na kar o but ḳhud kaam nahīñ

chain pahlu mein use subh nahin sham nahin

shikve tauqīr-e-mohabbat bhī huā karte haiñ
magar us vaqt jab aapas meñ banī hotī hai

uske har rang se kyun shoala-zani hoti hai

zaḳhm-e-jāñ aur tabassum sheva
kar gayā vaqt qalandar mujh ko

de ke KHud KHun ka manzar mujhko

aisā bhī vaqt aatā hai sardārī par
añgāroñ ko phuul banānā paḌtā hai

pyar ka yun dastur nibhana paDta hai

maiñ to mar jā.ūñ usī vaqt agar mujh ko 'jamāl'
ishq se haath kisī aan uThānā paḌ jaa.e

apna jab bojh meri jaan uThana paD jae

is sarā.e meñ na phailā.iye ajzā-e-hayāt
jaane kis vaqt ye sāmān uThānā paḌ jaa.e

apna jab bojh meri jaan uThana paD jae

jo bhī karnā hai faqat dil kī tasallī ke liye
vaqt tahrīr kā hai aur na tadbīr kā hai

dusra ruKH nahin jis ka usi taswir ka hai

maiñ yam-e-vaqt meñ bahtā huā tinkā 'nāmī'
ye zamīñ us kī tamāshā-e-zaman us kā hai

git mere hain magar nur-e-suKHan us ka hai

jañg kā vaqt nahīñ ye pyāre
ghar meñ aa.e haiñ mudārāt karo

ya sajan tark-e-mulaqat karo

Unpublished Ghazal

بہ غفلت عطر گل ہم آگہی مخمور ملتے ہیں

dekhūñ huuñ yuuñ maiñ us sitam-ījād kī taraf
juuñ said vaqt zabah ke sayyād kī taraf

dekhun hun yun main us sitam-ijad ki taraf