Tags-Waqt

ab paañv musāfir haiñ nafas marhala-e-zīst
ab vaqt ke hāthoñ pe na ḳhuuñ hai na hinā hai

ik Thokar meñ murde hazāroñ uTh baiTheñ haiñ gor se vohīñ
letā hai vo vaqt-e-ḳharāmash paañv se apne kār-e-masīhā

vaqt ke paas haiñ kuchh tasvīreñ
koī Duubā hai ki ubhrā dekho

yahī vo sā.at-e-fan jis meñ aap hoñ na muḳhil
yahī hai vaqt magar ham se baat karne kā

ajab samāñ thā ki tazlīl bhī thī kaif-añgez
vo merā vaqt tirī sīḌhiyāñ utarne kā

jo vaqt ki guzrā hai jazbāt ke kūche meñ
kuchh raas nahīñ aayā kuchh raas bhī aayā hai

vaqt-e-ruḳhsat bhī nirālī hī rahī dhaj terī
jaate jaate zarā muḌ ke bhī to dekhā hotā

vaqt fursat nahīñ degā hameñ muḌne kī kabhī
aage baḌhte hue ham ne jo ye sochā hotā

ab to vo shāḳh bhī shāyad hī gulistāñ meñ mile
kaash is phuul ko us vaqt hī toḌā hotā

dekh hairān na ho
vaqt hairānī pe majbūr hai ma.alūm nahīñ hai is ko

vaqt jab bhī kisī zartāb o hasīñ maazī ke gahnā.e hue
haal se do-chār huā kaañp uThā

vaqt hairān nigāhoñ se mujhe dekhtā hai
dekh kar haal ko shāyad use maazī kā ḳhayāl aatā hai

duur jaate vaqt bas itnā kahā
saath 'kānhā' aap kā achchhā lagā

hamesha vaqt kā dariyā ise raftār baḳhshegā
jise aatā ho dariyā kī ravānī pusht par rakhnā

daġhā de rahe haiñ dam-e-naza.a tum ko
ye hai vaqt-e-ruḳhsat nishānī hamārī

vo bhī vaqt aayā ki dil meñ ye ḳhayāl aane lagā
aaj un se ham ġham-e-daurāñ kā afsāna kaheñ

aḳhīr vaqt hai kis muñh se jā.ūñ masjid ko
tamām umr to guzrī sharāb-ḳhāne meñ

vaqt
tū ne jo merā gulābī badan sāñvlā kar

jiite raheñge vāda-e-sabr-āzmā pe ham
umr apnī misl-e-vaqt-e-gurezāñ hī kyuuñ na ho

badalte vaqt ne badle mizāj bhī kaise
tirī adā bhī ga.ī merā bāñkpan bhī gayā