Tags-Waqt

tah karo sāhab nasb-nāmī vo vaqt aayā hai ab
be-asar hogī sharāfat maal dekhā jā.egā

vo burā vaqt mohabbat meñ na dekhe koī
jab mohabbat bhī tabī.at pe garāñ hotī hai

ajiib chiiz hai ye vaqt jis ko kahte haiñ
ki aane paatā nahīñ aur biit jaatā hai

'qalaq' itnī nahīñ har vaqt koī bach kartā
aap bhī hazrat-e-dil ke haiñ taraf-dāroñ meñ

vaqt guzarne ke ham-rāh bahut kuchh sīkhā 'aḳhtar' ne
nañge badan ko kirnoñ ke pairāhan se ab Dhāñptā hai

vaqt koī shaam nahīñ
jise vahshat se Dhāñpā jā sake

vaqt-e-ruḳhsat thā hamāre bāhar andar itnā shor
kuchh kahā thā us ne lekin jaane kyā kah kar gayā

'jāved' ajab ahbāb tire karte haiñ ye zaa.e.a vaqt tirā
haiñ ilm se kosoñ duur magar phir bhī hai tavālat bātoñ meñ

paḌh sako gar to khuleñ tum pe rumūz-e-hastī
vaqt ke haath meñ ik aisā sahīfa huuñ maiñ

terī furqat meñ vaqt kī sūrat
rafta rafta guzar rahe haiñ ham

bigḌā huā hai hijr meñ kuchh vaqt kā nizām
lamha guzar na paayā ki ik saal ho gayā

bahte hue dekhe haiñ udhar vaqt ke dhāre
ruḳh ham ne irādoñ kā jidhar moḌ diyā hai

january tā june kī mehnat mashaqqat ne janāb
vaqt se pahle hī chehre par december likh diyā

kuchh ishāra jo kiyā ham ne mulāqāt ke vaqt
Taal kar kahne lage din hai abhī raat ke vaqt

'kaif' vo kal kā 'kaif' kahāñ hai aaj miyāñ
ye to koī vaqt kā maarā lagtā hai

ġham añdhere kā nahīñ 'dānish' magar
vaqt se pahle añdherā ho gayā

ek bichhḌī huī āvāz bulātī hai mujhe
vaqt ke paar se gum-gashta Thikāne kī taraf

jumā-e-āḳhir-e-māh-e-ramzān hai afzal
yuuñ to jis vaqt meñ ho bazl-o-navāl achchhā hai

vaqt-e-ruḳhsat namī thī āñkhoñ meñ
haath phir bhī hilā diyā us ne