Tags-Waqt

ham vaqt ke sahrā meñ
uḌte hue bādal haiñ

rafta rafta raunaq-e-bāzār baḌhtī hī ga.ī
vaqt ke chehre pe zaḳhmoñ ke nishāñ hote hue

tum rañg ho tum nuur ho tum shīsha ho tum jaam
kirnoñ se bharī sub.h ho tāroñ se bharī shaam

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

is vaqt vahāñ kaun dhuāñ dekhne jaa.e
aḳhbār meñ paḌh leñge kahāñ aag lagī thī

qismat se madad chāhtā huuñ itnī ki har vaqt
mānind-e-sabā saath rahūñ us ke safar meñ

ḳhuub vaqt aa.e nakīrain jazā degā ḳhudā
lahd-e-tīra meñ bhī kyā ālam-e-tanhā.ī thā

na ḳhud tumhīñ pe kuchh ilzām-e-vaqt aa jaa.e
hamārā shikva-e-sabr-o-qarār mat karnā

kiije jo koī baat to jhuñjhlā rahe haiñ vo
collage kā vaqt ho gayā jhallā rahe haiñ vo

har kaḌe vaqt se sahl guzre magar
in dinoñ dil pareshāñ hamārā bhī hai

dekhnā baḳhiya-e-jāma-e-vaqt meñ
ek tār-e-garebāñ hamārā bhī hai

hameñ to aap kī bebākiyoñ se Dar hī rahtā hai
nahīñ ma.alūm kis din vaqt aa jaa.e nadāmat kā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

is daur-e-pareshānī meñ kabhī vo vaqt bhī aatā hai 'ālī'
kuchh dil bhī dhoke khātā hai kuchh vo bhī karam farmāte haiñ

hai kahīñ tū maskan-e-mazdūr vaqt-e-muflisī
hai kahīñ sarmāya-dāroñ ke liye jām-e-ḳhushī

bāham ā.īn-e-vafā rasm-e-mohabbat kaisī
vaqt ab vo hai ki bandoñ ko ḳhudā yaad nahīñ

nisbat ilm hai bahut hākim-e-vaqt ko aziiz
us ne to kār-e-jahl bhī be-ulamā nahīñ kiyā

qadġhaneñ jitnī lagā.īñ vaqt ne
dil-zadoñ kā hausla raushan huā

mauzūñ hai vaqt āmad-e-tūfān ke liye
kashtī se merī duur kinārā hai in dinoñ