Tags-Waqt

maiñ jab kabhī us se pūchhtā huuñ ki yaar marham kahāñ hai merā
to vaqt kahtā hai muskurā kar janāb tayyār ho rahā hai

rāh-e-shauq meñ aksar vo bhī vaqt aayā hai
jab kiyā hai hāthoñ se ḳhūn-e-ārzū ham ne

vaqt ne aisā ġham baḳhshā hai
sahrāoñ meñ jī lagtā hai

kab aaoge vaqt aa gayā duniyā se safar kā
vaqfa hai koī dam kā na saa.at na ghaḌī hai

phir se bikhrī hai tirī zulf mire shānoñ par
vaqt aayā hai ga.e vaqt ko lauTāne kā

ajab ik vaqt gulshan meñ ye paiġhām-e-bahār aayā
fazā hī sāzgār aa.ī na mausam sāzgār aayā

teġh-e-burrān-e-vaqt se har dam
rishta-e-ārzū ko yak-sar kaaT

vaqt-e-dai zer-e-ḳhār-zār guzār
mausam-e-gul tah-e-gul-e-tar kaaT

ajiib barsāt kā samāñ hai nazar ko har vaqt ye gumāñ hai
ki husn añgḌā.ī le rahā hai hasīn kapḌe badal rahe haiñ

ye vaqt to andhā sūraj hai
kyoñ rañg tumhāre rahne de

sukūn-e-dil nahīñ jis vaqt se us bazm meñ aa.e
zarā sī chiiz ghabrāhaT meñ kyā jaane kahāñ rakh dī

vaqt par ishq-e-zuleḳhā kā asar lagtā hai
āḳhir-e-umr bhī āġhāz-e-safar lagtā hai

ai 'zauq' vaqt naale ke rakh le jigar pe haath
varna jigar ko ro.egā tū dhar ke sar pe haath

ai 'jamīla' bostān-e-ishq meñ vaqt-e-sahar
nik.hat-e-gul sī jo pahuñchī vo sabā thī maiñ na thā

jis ne chūmā vaqt-e-pāmālī qudūm-e-nāz ko
ḳhūn-e-dil bā-shoḳhī-e-rañg-e-hinā thī maiñ na thā

vaqt badlā hai to phir kyuuñ na ba-andāz-e-digar
vahī tahrīk-e-shikast-e-ḳhum-o-ḳhum-ḳhān chale

jaane kis vaqt ajal aap ko lene aa jaa.e
saath hī rakhiyegā sāmān-e-safar ab ke baras

ai secretariat kī imārat zarā batā
us vaqt jabki jaate haiñ afsar bhī baukhlā

chaḌhne do abhī aur zarā vaqt kā sūraj
ho jā.eñge chhoTe yahī saa.e jo baḌe haiñ

vaqt ḳhāmosh hai TuuTe hue rishtoñ kī tarah
vo bhalā kaise mire dil kī ḳhabar pā.egā