Tags-Waqt

ḳhaak kar degā ġhubār-e-vaqt terā ye vajūd
jo ruke tere liye vo kārvāñ koī nahīñ

vo bebasī ki zarā aage baḌh nahīñ sakte
kitāb-e-vaqt kī tahrīr paḌh nahīñ sakte

mujhe rah meñ mile the vo bāñdhe kamar chale jaate the baaġh ko vaqt-e-sahar
unheñ laatā pakaḌ mujhe kis kā thā Dar pa fareb ke qaul-o-qasam se chhuTe

allāh shab-e-firāq meñ vo āh-o-zāriyāñ
har vaqt sadme kaise haiñ mujh nīm-jān par

laakh motī hī sahī vaqt kī gardish meñ kabhī
qīmtī kitnā ho be-āb bhī ho saktā hai

terī yādoñ se bhī taskīn-e-tamannā na huī
vaqt ham par kabhī aisā bhī paḌā hai ai dost

nāchtā thā paañv meñ lamhoñ ke ghuñgrū bāñdh kar
de gayā dhokā simaT kar vaqt kā āñgan mujhe

vo yaad aatā hai sirf yāroñ ke pūchhne par
tū yaad aatā hai sirf vaqt-e-azān allāh

asīr-e-vaqt hai to maiñ huuñ vaqt se āzād
tire uruuj se achchhā mire zavāl kā rañg

so lene do apnā apnā kaam karo chup ho jaao
darvāzo kuchh vaqt guzāro dīvāro chup ho jaao

vo bhī kyā din the ki jab rāhat-e-jāñ thā koī
vaqt bhī mujh se gurezāñ na huā thā so huā

jis vaqt ki vo haath chhuḌāne pe ba-zid thā
us vaqt koī yaad duā hī nahīñ aa.ī

hai vaqt ye ruḳhsat kā baḳhshish kā talāfī kā
samjheñ na jo gar us ko bekār to aa jaa.eñ

jo dekhiye to zamāna hai tez-rau kitnā
tulū-e-sub.h abhī hai to vaqt-e-shām abhī

vaqt-e-ruḳhsat bhīge bhīge in darīchoñ kī qasam
nūr-paikar chāñd-sūrat gulistāñ achchhī to ho

vaqt hī kam thā faisle ke liye
varna maiñ aatā mashvare ke liye

patthar kī sil par liTāyā huā vaqt
aur intizār kī āḳhirī had tak khīñchī huī

shāyad vo vaqt
jis meñ mohabbat ko daryāft kiyā jā saktā

us vaqt kahīñ jā ke ġhazal hogī mukammal
āñkhoñ se Tapak jaa.e jo ik qatra-e-ḳhūñ bhī

siine pe mire vaqt kā ye kaun girāñ hai
neze kī anī yā ki kaleje meñ gaḌī hai