English
Favourite
Favourite
UrduShayarUrduShayar
Expand menu
Sign inAccount

Tags-Waqt

kyā ḳhuub hai ye vaqt kī raftār dekhiye
karte haiñ mai-kade ko bhī ab pārsā pasand
Ghazal
 un ko hai etidal mujhe intiha pasand
irāda ho to dil mazbūt kar ai Dūbne vaale
jab aisā vaqt ho dhāre ko bhī sāhil samajhte haiñ
Ghazal
 teri koshish hum ai dil sai-e-la-hasil samajhte hain
kis vaqt nahīñ rahtī āñkhoñ meñ vo mauj-e-ḳhūñ
kab dil se tire ġham ke paikān nikalte haiñ
Ghazal
 puchhe jo nishan koi anjaan nikalte hain
is sāya-e-mizhgāñ meñ kuchh vaqt guzārā hai
ham par bhī un āñkhoñ ke ehsān nikalte haiñ
Ghazal
 puchhe jo nishan koi anjaan nikalte hain
vaqt kartā hai bhalā kis se yahāñ husn-e-sulūk
vo bhī is daur meñ qānūn-e-makāfāt ke saath
Ghazal
 zehn zinda hai magar apne sawalat ke sath
vaqt is tarah badal degā tumhāre ḳhad-o-ḳhāl
apnī tasvīr jo dekhoge to Dar jāoge
Ghazal
 jism ki qaid se ek roz guzar jaoge
kaun ye vaqt ke ghūñghaT se bulātā hai mujhe
kis ke maḳhmūr ishāre haiñ ghaTāoñ ke qarīb
Nazm
 yaad
zindagī meñ aa gayā jab koī vaqt-e-imtihāñ
us ne dekhā hai 'jigar' be-iḳhtiyārāna mujhe
Ghazal
 jaan kar min-jumla-e-KHasan-e-mai-KHana mujhe
vaqt us se chhīn legā ḳhud-pasandī kā ġhurūr
haañ yaqīnan vo ḳhudā ban kar bahut pachhtā.egā
Ghazal
 sar-phiri pagal hawa ka tez jhonka aaega
vaqt-e-sahar hai vaqt-e-munājāt-o-sair-e-gul
sone meñ hai ziyā-e-sahar jāgte raho
Ghazal
 hona hai gham ko KHak-basar jagte raho
un zamīnoñ ko mahakne do abhī peḌoñ se
vaqt se pahle unheñ kaaT ke sahrā na karo
Ghazal
 koi achchha lage kitna hi bharosa na karo
sar uThātī huī maujoñ se havāoñ ne kahā
vaqt ke saath chalo vaqt se uljhā na karo
Ghazal
 koi achchha lage kitna hi bharosa na karo
fāsle baḌhte ga.e umr bhī Dhaltī hī ga.ī
vasl kā ḳhvāb liye vaqt guzārā hai bahut
Ghazal
 Dubne wale ko tinke ka sahaara hai bahut
ab to milne ke liye vaqt nahīñ miltā hai
varna ham kitnī suhulat se milā karte the
Ghazal
 ishq tha aur aqidat se mila karte the
mahfileñ ḳhvāb huiiñ rah ga.e tanhā chehre
vaqt ne chhīn liye kitne shanāsā chehre
Ghazal
 mahfilen KHwab huin rah gae tanha chehre
zamāna tere hāthoñ par kare bai.at ye mumkin hai
yazīd-e-vaqt ham terā magar inkār karte haiñ
Ghazal
 safar aasan hai lekin use dushwar karte hain
ik aisā vaqt bhī sahrā meñ aane vaalā hai
ki rāsta yahāñ dariyā banāne vaalā hai
Ghazal
 ek aisa waqt bhi sahra mein aane wala hai
chal chal ke thak gayā hai ki manzil nahīñ koī
kyuuñ vaqt ek moḌ pe Thahrā huā sā hai
Sher
 chal chal ke thak gaya hai ki manzil nahin koi
kasb-e-hunar kar na ki is vaqt meñ
is se baḌī aur himāqat nahīñ
Ghazal
 tark-e-wafa garche sadaqat nahin
fasīl-e-jism pe taaza lahū ke chhīñTe haiñ
hudūd-e-vaqt se aage nikal gayā hai koī
Sher
 fasil-e-jism pe taza lahu ke chhinTe hain
Top Urdushayar.com