Tags-Waqt

ai rashk-e-mehr vasl meñ ġhussa hai kis liye
ye vaqt merī jaan nahīñ hai jalāl kā

sochne kā bhī nahīñ vaqt mayassar mujh ko
ik kashish hai jo liye phirtī hai dar dar mujh ko

rā.egāñ vasl meñ bhī vaqt huā
par huā ḳhuub rā.egāñ jānāñ

ik lahr uThī aur Duub ga.e hoñToñ ke kañval ā.ankhoñ ke diye
ik gūñjtī āñdhī vaqt kī baazī jiit ga.ī rut biit ga.ī

dhoke de de ki mirā vaqt kaTā hai ki tirā
va.ade kar kar ke maiñ soyā huuñ sar-e-shām ki tū

vaqt-e-ruḳhsat mirī āñkhoñ kī tarah chup thī jo yaad
ai mire dil tirī mānind dhaḌaktī huī aa.ī

bhale the din to hazāroñ the gird-o-pesh mire
paḌā jo vaqt to koī nazar nahīñ aayā

vaqt kā ifrīt apnī piiTh pe
in ko laade ghuum rahā hai

kaun Dūbegā kise paar utarnā hai 'zafar'
faisla vaqt ke dariyā meñ utar kar hogā

vaqt singhāsan par baiThā hai apne raag sunātā hai
sañgat dene ko paate haiñ sāñsoñ ke uktāre log

aisī ghaḌiyāñ ka.ī mujh aisoñ pe aa.ī hoñgī
vaqt ne jin se sajā rakkhā hai aivāñ apnā

husn yuuñ khoyā huā sā bazm-e-mahsūsāt meñ
jaise donoñ vaqt milte huuñ bharī barsāt meñ

is vaqt jo guzrī hai na pūchho use 'vasfī'
Takrā.ī hai jab un kī nazar merī nazar se

savāb kī duāoñ ne gunāh kar diyā mujhe
baḌī adā se vaqt ne tabāh kar diyā mujhe

khulne vaalā nahīñ dar-e-tauba
fikr-e-anjām vaqt par na huī

alfāz ke jaadū se
sehr-kāroñ ne har vaqt

vaqt-e-ruḳhsat bhīgtī palkoñ kā manzar yaad hai
phuul sī ā.ankhoñ meñ shabnam kī namī achchhī lagī

Dūbte vaqt bhañvar pūchh rahā hai 'qaisar'
jab kināre se chale the to fazā kaisī thī

shāyad unhīñ kā ijz mire kaam aa gayā
jin dostoñ ne chhoḌ diyā vaqt par mujhe

ik vaqt ham ko thā sar-e-girya ki dasht meñ
jo ḳhaar ḳhushk thā sau vo tūfāñ rasīda thā