Tags-Waqt

ham kisī kā gilā nahīñ karte
vaqt kī aabrū baḌhāte haiñ

vaqt vo hai ki jabīñ le ke karo dar kī talāsh
ajab āshufta-sarī hai ki tamāshā bhī nahīñ

sahrā meñ ThanDe vaqt hameñ yaad aa.ī jo us kī jalvagarī
kuchh aisī huī vahshat dil ko dam jā ke zer-e-bām liyā

ab tak to ḳhabar lī us ne mirī jis vaqt koī uftād paḌī
jab Thokareñ khā kar girne lagā haath us ne lapak kar thaam liyā

na.e harfoñ ke phūloñ ko sajāyā vaqt ne lab par
na.e harfoñ ke phūloñ meñ na.e kaif-o-asar jaage

tamām ālam-e-imkāñ mire gumān meñ hai
vo tiir huuñ jo abhī vaqt kī kamān meñ hai

haañ khīñch lūñgā vaqt kī zanjīr paañv se
ab ke bahār aa.ī to aisā karūñgā maiñ

be-tahāsha jiye ham log hameñ hosh nahīñ
vaqt ārām se guzrā ki pareshānī se

guzishta vaqt meñ rahnā 'dinesh' chhoḌ bhī de
na baar baar tū ab dekh udaas tasvīreñ

bichhaḌte vaqt kā manzar bhī dhyān meñ rakhnā
safar meñ kaam ye raḳht-e-safar bhī aa.egā

na jaane kyuuñ bujhī āñkhoñ meñ jugnūñ se chamakte haiñ
abhī to vaqt baaqī hai añdherī raat Dhalne meñ

zarā sā vaqt to de zindagī mujh ko sambhalne kā
burā ho vaqt to kuchh vaqt lagtā hai sambhalne meñ

hamāre paañv Darte haiñ tumhāre saath chalne meñ
zarā sā vaqt lagtā hai kabhī niyyat badalne meñ

ye aur baat samajhne se ham haiñ qāsir 'lais'
jabīn-e-vaqt par dekhīñ ibārateñ kyā kyā

mizāj-e-vaqt ne chhīnā hai mujh se merā mizāj
guzartī rahtī haiñ dil par qayāmateñ kyā kyā

yūsuf bhī hai yahāñ pe zuleḳhā-e-vaqt bhī
bas misr kī sī garmī-e-bāzār kar ke dekh

ai āftāb ye aalam tirā ġhurūb ke vaqt
sikhā.ī kis ne tujhe ye adā udāsī kī

vaqt kam hai bahut
itne kam vaqt meñ

baḌe ādāb haiñ mushā.ere ke
kabhī vaqt-e-suḳhan piyā na karo

vaqt ab vo hai ki ik ek 'hasan' ho ke ba-tañg
sabr-o-tāb o ḳhirad-o-hosh khisakte jāveñ