Collections

Lab Shayari

Motivational Ghazals

Best Khamoshi Shayari

More Collections

Tags-Waqt

vaqt ne kis aag meñ itnā jalāyā hai mujhe
jis qadar raushan thā maiñ us se sivā raushan huā

muddaton ke baad phir kunj-e-hira raushan hua

vo burā vaqt ki jab saath na ho saaya bhī
ham ne hañs hañs ke ka.ī baar guzārā bhī hai

jaan ka dushman hai magar jaan se pyara bhi hai

haq kī pahchān huī ḳhalq ko 'āzar' us vaqt
jab alī aap ke bistar se numūdār huā

KHud mein khilte hue manzar se numudar hua

kuchh log haiñ jo jhel rahe haiñ musībateñ
kuchh log haiñ jo vaqt se pahle badal ga.e

alfaz narm ho gae lahje badal gae

dāman-e-vaqt pe ab ḳhuun ke chhīñTe na paḌeñ
ek markaz kī taraf dair-o-haram le ke chalo

jawahar-lal nehru

mere siine meñ kuchh zer-o-zabar hai
chaman meñ ġhāliban vaqt-e-sahar hai

mere sine mein kuchh zer-o-zabar hai

jaane kahāñ aur kis par barse
vaqt hai uḌtā bādal baabā

basti basti maqtal baba

vaqt kī dhuup meñ ham sāya-e-hasrat ban kar
do ghaḌī kū-e-tamannā meñ na chalne paa.e

gham ke baadal dil-e-nashad pe aise chhae

bichhaḌte vaqt hamāre laboñ meñ chubhne lage
savāl aise ki jin kā koī javāb na thā

ye uski marzi ki main us ka intiKHab na tha

achānak hī hathiyār vaale nahīñ saḳht-jāñ ne
jigar vaqt ke saath ḳhasta shikasta huā hai

zamane ke darbar mein dast-basta hua hai

aks kyā kyā the nigāhoñ meñ firozāñ 'ālī'
par ye andāz-e-nazar vaqt ko bhāyā kab thā

barg bhar bar mohabbat ka uThaya kab tha

kī shab-e-hashr mirī shām-e-javānī tum ne
chheḌī kis daur kī kis vaqt kahānī tum ne

ki shab-e-hashr meri sham-e-jawani tumne

ye kis ke vāste aañsū bahā.e jaate haiñ
tumheñ kisī ne jo us vaqt aa ke dekh liyā

tasawwuraat mein inko bula ke dekh liya

mire ḳhudā use āzād kar ye achchhā hai
hisār-e-jism meñ har vaqt merī jaan hai tañg

zamin tang hai yarab ki aasman hai tang

ik aise vaqt meñ sab peḌ maiñ ne naql kiye
jahāñ pe maiñ inheñ shādāb dekh saktā thā

mere qarib hi mahtab dekh sakta tha

ilāhī kyā mirī ruḳhsat kā vaqt aa pahuñchā
ye chārasāz mire kyuuñ udaas baiThe haiñ

nigahen dar pe lagi hain udas baiThe hain

naza.a meñ kyā sitam kā mauqa hai
vaqt hai ab duā kare koī

dard ho to dawa kare koi

ye na ho ki vaqt-e-āḳhir rahe dil kī baat dil meñ
mirī jaan ab to aa jā mirī jaan jā rahī hai

jo tamam umr ban kar mera hausla rahi hai

be-nām se ik ḳhauf se dil kyuuñ hai pareshāñ
jab tai hai ki kuchh vaqt se pahle nahīñ hogā

be-nam se ek KHauf se dil kyun hai pareshan

aag hī aag kā izāla thī
vaqt kundan banā rahā hai mujhe

ek rishta bana raha hai mujhe