Tags-Waqt

nāma-bar aatā thā raste bhī take jaate the
kyā javāñ vaqt thā rūmān huā karte the

ho sake to baḳhiya o marham kā yaaro vaqt hai
jaañ na jaave is tan-e-majrūh meñ ghā.el ke ghul

sāqiyā! ehtimām-e-bāda kar
vaqt ko sogvār dekhā hai

donoñ kahīñ mil baiTh kar bah jaa.eñ pal bhar ke liye
is vaqt se haT kar ke ho dariyā koī bahtā huā

jalā liye haiñ usī vaqt āñsuoñ ke charāġh
shab-e-firāq meñ jab tīrgī se ghabrā.e

ai mire shor-e-nafas bār-e-samā.at se gurez
niiñd ke vaqt sadāoñ kā ubharnā kaisā

in āñkhoñ ne jo kuchh dekhā kaun use sach mānegā
vaqt kī dhuup meñ chāñd sā chehra kaise suno laayā logo

fāsle kī aur vaqt duurī dil kā qurb miTā na sakā
kaisā kaisā pyārā chehra dhyān meñ dhundlāyā logo

vaqt ke dajla-e-tūfānī meñ
aap ham mauja-e-ujlat Thahre

maujoñ se laḌte vaqt to maiñ us ke saath thā
sāhil pe us ke haath meñ kui aur haath thā

ye hijr hai to is kā faqat vasl hai ilaaj
ham ne ye zaḳhm-e-vaqt ko bharne nahīñ diyā

ek ik lamhe ne sau sau sho.abde dikhlā.e haiñ
sach to ye hai vaqt jādūgar nazar aayā mujhe

hādsoñ ne us ke paañv se bhī dhartī khīñch lī
vo bhī sail-e-vaqt kī zad par nazar aayā mujhe

mujhe to is darja vaqt-e-ruḳhsat sukūñ kī talqīn kar rahe ho
magar kuchh apne liye bhī sochā maiñ yaad aayā to kyā karoge

jo bhī dīvār uThātī hai girātī hai ye shaam
shaam ke vaqt bahut dhuul uḌātī hai ye shaam

haa.e andāz tere rukne kā
vaqt ko bhī rukā rukā dekhā

ilāhī ḳhair ho ye kaun aayā
bahut be-vaqt ghanTī baj rahī hai

be-ruḳhī ne us kī kaisā ye ishārā kar diyā
vaqt se pahle qayāmat kā nazārā kar diyā

munhadim hote hue vaqt se pūchho to 'sa.ūd'
kyā hue vo tire hāthoñ ke banā.e hue shaḳhs

'mīr' kī baat pe har vaqt ye jhunjhlāyā na kar
saḌī hai ḳhabtī hai vo shefta hai majnūñ hai