Collections

Lab Shayari

Motivational Ghazals

Best Khamoshi Shayari

More Collections

Tags-Waqt

ik dast-e-ġhaib ne mujhe lā chaak par dharā
phir vaqt ke jumūd meñ gūñdhā gayā mujhe

miTTi tha aur dudh mein gundha gaya mujhe

hirās-e-shab, asar-e-zo.af, ḳhauf-e-rāhzanāñ
musāfiroñ pe girāñ vaqt-e-shām hotā hai

ajib manzar-e-baala-e-baam hota hai

bichhaḌte vaqt meñ us ko dilāsa detā rahā
vo be-zabāñ thī mujhe bebasī se taktī rahī

bala ki dhup thi sari faza dahakti rahi

be-maqsad ke shaġhl bhī raas aa jaate haiñ
vaqt kabhī barbād bhī karnā paḌtā hai

dil-sahra aabaad bhi karna paDta hai

hamārī zindagī garche thī muntashir pahle
jo vaqt aayā to sāñche meñ Dhal ga.ī koī shai

junun mein dhyan se aaKHir phisal gai koi shai

ye jo galiyāñ haiñ mire shahr kī haiñ merī rafīq
unhī galiyoñ meñ bahut vaqt guzārā apnā

humne dil uske tain nazr guzara apna

bas usī vaqt ka.ī jvālā-mukhī phuuT paḌe
motiyoñ se mirī har naav thī bharne vaalī

ab qabile ki riwayat hai bikharne wali

din bhī udaas aur mirī raat bhī udaas
aisā to vaqt ai ġham-e-daurāñ na thā kabhī

mahrum-e-KHwab dida-e-hairan na tha kabhi

maiñ ne hoñToñ pe tabassum to sajā rakkhā hai
ġham bhulāne meñ magar vaqt baḌā lagtā hai

kitna kamzor hai iman pata lagta hai

tumhāre ba.ad bhalā kyā haiñ va.ada-o-paimāñ
bas apnā vaqt gañvā luuñ agar ijāzat ho

tumhaara hijr mana lun agar ijazat ho

vo vaqt kā jahāz thā kartā lihāz kyā
maiñ dostoñ se haath milāne meñ rah gayā

bazm-e-takallufat sajaane mein rah gaya

āfat-e-jāñ hai vaz-e-ham-safarī
vaqt kī raah se guzar tanhā

tai kiya is tarah safar tanha

hameñ qubūl tahajjud ke vaqt se pahle
ham apnī zaat se har shab mazāq karte haiñ

han pahle Darte the par ab mazaq karte hain

vaqt ke inhidām meñ, dil kī kitāb dab ga.ī
jaane kahāñ likhā thā tuu, sochtā huuñ nikāl kar

kar-e-junun ki haalaten, kar-e-KHuda KHayal kar

jo aave vaqt-e-namāz us ke sāmne mirā shoḳh
karūñ maiñ sajda agar phere sar salām ko shaiḳh

jape hai wird sa tujhse sanam ke nam ko shaiKH

saroñ par taaj rakkhe the qadam par taḳht rakkhā thā
vo kaisā vaqt thā muTThī meñ saarā vaqt rakkhā thā

saron par taj rakkhe the qadam par taKHt rakkha tha

ham ne pal pal ko āzmāyā hai
ab hameñ vaqt āzmā.egā

raat ka wo pahar bhi aaega

roze rakhvāo khulvāo jannat paao
banda to do vaqt kā khānā DhūñD rahā hai

is se phulon wale bhi aajiz aa gae hain

terā ruḳh saa.e kī jānib merī āñkheñ sū-e-mahr
dekhnā hai kis jagah kis vaqt mil pā.eñge ham

qurbaton se kab talak apne ko bahlaenge hum

vasl kī arz kā jab vaqt kabhī paatā huuñ
jā haiñ ḳhāmoshī siiñ tab lab mire aapas meñ mil

wasl ki arz ka jab waqt kabhi pata hun