Tags-Yaad

ye hujūm-e-ġham-e-daurāñ meñ kahāñ yaad rahā
dāstān-e-ġham-e-dil tere taġhāful se kahūñ

sab sitam yaad haiñ saarī hamdardiyāñ yaad haiñ
is zamīñ ke makīnoñ ko saat āsmāñ yaad haiñ

mujh ko afsos hai maiñ judā ho rahā huuñ magar
ai musāfir mujhe terī sab nekiyāñ yaad haiñ

maiñ vahāñ ab nahīñ huuñ to kyā hai ki ab tak mujhe
vo makāñ us ke darvāze aur khiḌkiyāñ yaad haiñ

jin meñ barbād hone ko jī chāhtā hai bahut
mujh ko aisī bhī chand ek ābādiyāñ yaad haiñ

jāntā huuñ 'zafar' ye ghaḌī bhuul jaane kī hai
phir bhī saare shukūk aur saare gumāñ yaad haiñ

mar ga.e ham to dekh lenā tum
yaad ā.eñge husn vāloñ ko

huā dil kā haal abtar tujhe yaad karte karte
mirī jaañ nikal na jaa.e kahīñ aah bharte bharte

tujhe bhūlne kī ḳhātir bhī hai ek umr lāzim
kaTī ek umr merī tujhe yaad karte karte

huī maut jab muqābil mujhe tum hī yaad aa.e
rahe tum hī jān-e-armāñ mirī jaan marte marte

isī ḳhauf se ki tujh ko kahīñ bhuul hī na jā.ūñ
tujhe yaad kar rahī huuñ use yaad karte karte

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

kuchh un kī hasīñ yaad kī sham.eñ thiiñ farozāñ
kuchh nūr-fishāñ dil meñ rahā dāġh-e-jigar bhī

ai 'mīrā-jī' aap ko to sab bhuul ga.e haiñ
aap yahāñ aur mujh jaise ma.atūb-e-zamāñ ko āḳhir ik-dam kyuuñ yaad aa.e

ghar thā yā koī aur jagah jahāñ maiñ ne raat guzārī thī
yaad nahīñ ye huā bhī thā yā vahm hī kī ayyārī thī

tū kuchh bhī ho kab tak tujhe ham yaad kareñge
tā-hashr to ye dil bhī dhaḌaktā na rahegā

pahle ik shahr tirī yaad se ābād kiyā
phir usī shahr ko mismār kiyā hai maiñ ne

mire dil meñ basne vaale tujhe kaise bhuul jā.ūñ
tirā ishq merā maz.hab tirī yaad zindagī hai

ḳhushī se apnā ghar ābād kar ke
bahut ro.eñge tum ko yaad kar ke