Tags-Yaad

'ājiz' ye qaul apne buzurgoñ kā yaad rakh
rasta kabhī na chhoḌnā dushman ke Dar se dekh

ab kisī kī yaad bhī aatī nahīñ
dil pe ab fikroñ ke pahre ho ga.e

shab kitnī bojhal bojhal hai ham tanhā tanhā baiThe haiñ
aise meñ tumhārī yaad aa.ī jis tarah koī ilhām aa.e

ahl-e-zamāna ko bas merī ik rusvā.ī yaad rahī
varna merī vafā ke jaane kitne aur bhī unvāñ haiñ

ġhurbat meñ bhī rahe ham yāroñ kī anjuman meñ
yād-e-vatan ne rakkhā aksar hameñ vatan meñ

ḳhāna-ḳharābī apnī yaad aa.ī jī bhar aayā
ujḌā huā jo dekhā ik āshiyāñ chaman meñ

har choT pe pūchhe hai batā yaad rahegī
ham ko ye zamāne kī adā yaad rahegī

din raat ke aañsū sahar o shaam kī aaheñ
is baaġh kī ye āb-o-havā yaad rahegī

kis dhuum se baḌhtī huī pahuñchī hai kahāñ tak
duniyā ko tirī zulf-e-rasā yaad rahegī

karte raheñge tum se mohabbat bhī vafā bhī
go tum ko mohabbat na vafā yaad rahegī

kis baat kā tū qaul-o-qasam le hai barahman
har baat butoñ kī ba-ḳhudā yaad rahegī

chalte ga.e ham phuul banāte ga.e chhāle
sahrā ko mirī laġhzish-e-pā yaad rahegī

jis bazm meñ tum jāoge us bazm ko 'ājiz'
ye guftugū-e-be-sar-o-pā yaad rahegī

ik kuuñj ko sakhiyāñ chhoḌ ga.iiñ ākāsh kī niilī rāhoñ meñ
vo yaad meñ tanhā rotī thii, lipTā.e apnī bāhoñ meñ

sauñpā tumheñ ḳhudā ko chale ham to nā-murād
kuchh paḌh ke baḳhshnā jo kabhī yaad aa.eñ ham

tū bhūlne kī chiiz nahīñ ḳhuub yaad rakh
ai 'dāġh' kis tarah tujhe dil se bhulā.eñ ham

yād-e-māzī ke ujāloñ meñ bahut der talak
Duubā rahtā huuñ ḳhayāloñ meñ bahut der talak

hai yaad 'zahīr' un kā shab-e-vasl bigaḌnā
vo talḳhī-e-dushnām kī lazzat na kaheñge

qahat-sālī sī qahat-sālī hai
dil tirī yaad se bhī ḳhālī hai

tujhe kuchh us kī ḳhabar bhī hai bhūlne vaale
kisī ko yaad terī baar baar aa.ī hai