Tags-Yaad

baiThe baiThe tujh ko jis dam yaad kar letā huuñ maiñ
māya-e-sabr-o-sukūñ barbād kar letā huuñ maiñ

koī yaad phir dil meñ aa kar basī hai mahak sī huī hai
koī ḳhvāb āñkhoñ meñ phir pal rahā hai diyā jal rahā hai

vo dil jis se miTā.e de rahe ho yaad tum apnī
zamāna us ko vīrāna kahegā tum bhī sun lenā

kisī kī yaad meñ be-kal rahī hai
vo ik laḌkī jo āñkheñ mal rahī hai

tumhārī yaad ik lohe kī kañghī
musalsal haDDiyoñ par chal rahī hai

na-jāne kitne harīfoñ ke naam yaad aa.e
maiñ likh rahī thī saf-e-dostāñ ke baare meñ

kisī unvān chalo taaza kareñ zulm kī yaad
kyuuñ na ab phuul hī nezoñ meñ piro.e jaa.eñ

kahāñ itnī ḳhabar umr-e-mohabbat kis tarah guzrī
tirā hī dard thā mujh ko jahāñ tak yaad aatā hai

qābil-e-qadr thā 'iqbāl' unheñ hai taslīm
yaad aayā hai merā tarz-e-suḳhan mere ba.ad

vo koī dost thā achchhe dinoñ kā
jo pichhlī raat se yaad aa rahā hai

vaqt ke rañgīñ gul-daste ko yaad aa.egā ThanDā haath
jab bikhreñge vo gesū to mar jā.egā ThanDā haath

pūñjī-patiyoñ yaad rakho vo din bhī ab kuchh duur nahīñ
band tijorī meñ har sikka añgāra ban jā.egā

zaḳhmoñ ke na.e phuul khilāne ke liye aa
phir mausam-e-gul yaad dilāne ke liye aa

diye jalā.e hue saath saath rahtī hai
tumhārī yaad tumhārī duā hamāre liye

ġhurbat kī ThanDī chhāñv meñ yaad aa.ī us kī dhuup
qadr-e-vatan huī hameñ tark-e-vatan ke ba.ad

sohbateñ aglī musavvir hameñ yaad ā.eñgī
koī dilchasp muraqqā na dikhānā hargiz

shā.irī mar chukī ab zinda na hogī yaaro
yaad kar kar ke use jī na kuḌhānā hargiz

nazar meñ jhuum uThtī haiñ bahāreñ
kisī kī yaad bhī kitnī hasīñ hai

naujavānoñ jo tabī.at meñ tumhārī khaTke
yaad kar lenā kabhī ham ko bhī bhūle-bhaTke

duur tak yād-e-vatan aa.ī thī samjhāne ko