Tags-Yaad

jo terī yaad kī daulat se be-nasīb rahe
vo lamhe ziist ke nā-mo'tabar se guzre haiñ

is qadar ġhaur se dekhā hai sarāpā us kā
yaad aatā hī nahīñ ab mujhe chehrā us kā

kabhī mohabbat ko yaad na banñe denā
tumheñ ma.alūm nahīñ hai

ik ḳhvāb hī to thā jo farāmosh ho gayā
ik yaad hī to thī jo bhulā dī ga.ī to kyā

yād-e-mahbūb farāmosh na hove ai dil
husn-e-niyyat ne mujhe ishq se ne.amat dī hai

yaad hai rākh-tale ek sharāre kī tarah
ye jo bujh jaa.e havāoñ kā bahāna Thahrā

yaad aa.egā pas-e-marg hamārā ye kamāl
haal khul jā.egā jab ḳhaak meñ pinhāñ hoñge

kaash bhūlā huā shafqat kā sabaq yaad aa.e
baap ke ruup meñ schōl meñ ustād aa.e

yaad hai surḳh phuul kā tohfa?
ho chalā vo bhī nīl-gūñ aa jā

dekh! maiñ yaad kar rahī huuñ tujhe
phir maiñ ye bhī na kar sakūñ aa jā

kabhī va.ade kā hasīñ phuul diyā thā tum ne
yaad aa.e vo nishānī to mujhe ḳhat likhnā

bekasī meñ jo yaad ghar aayā
aañkh ke saath dil bhī bhar aayā

charāġh huuñ kab se jal rahā huuñ mujhe duāoñ meñ yaad rakhiye
jo bujh gayā to sahar-numā huuñ mujhe duāoñ meñ yaad rakhiye

vo baat jo aap kah na paa.e mirī ġhazal meñ bayāñ huī hai
maiñ aap kā harf-e-mudda.ā huuñ mujhe duāoñ meñ yaad rakhiye

ġhubār huuñ aap chāhe ġhāza banā.eñ yā zer-e-pā bichhā leñ
maiñ kab se raqsāñ huuñ thak chukā huuñ mujhe duāoñ meñ yaad rakhiye

bahut hī shā.istagī se har lamha Dūbtī ik sadā kī sūrat
maiñ ḳhalvat-e-jāñ meñ bujh rahā huuñ mujhe duāoñ meñ yaad rakhiye

balā se ye rāh-e-shauq merī na ho sakī par tumhārī ḳhātir
misāl-e-naqsh-e-qadam bichhā huuñ mujhe duāoñ meñ yaad rakhiye

vahāñ kisī ko yaad bhī nahīñ thā merā naam tak
jahāñ maiñ apnī zindagī tamām kar ke aa gayā

sunā hai chhoḌ ke mujh ko vo kuchh udaas sā hai
maiñ us kī yaad kī ab tak amiin huuñ ḳhush huuñ

us se milnā yaad hai mil kar bichhaḌnā yaad hai
kyā batā saktā huuñ kyā jaatā rahā kyā rah gayā