Tags-Azal

mire vajūd ke andar utar ga.ī shāyad
azal se phailī huī thī jo ghar meñ tanhā.ī

azal se gosh-e-dil meñ gūñjte haiñ zamzame tere
magar ai dost maiñ ne tujh ko paayā be-nishāñ ab tak

Thaharnā tak nahīñ sīkhā abhī tak
azal se vaqt zaa.e kar rahā huuñ

ḳhū-e-insāñ ko azal se hī ye duniyā tañg hai
jo varaq tārīḳh kā dekhā vo ibratnāk thā

azal se le ke abad tak charāġh-e-fānī huuñ
havā ke dosh pe likkhī huī kahānī huuñ

kahīñ jamāl-e-azal ham ko rūnumā na milā
mile to husn magar husn aap sā na milā

azal se abad ko to jaanā thā 'afsar'
chale aa.e ham us dayār aate aate

azal se jāgtī āñkhoñ jahāñ meñ
basar ik ḳhvāb kartā jā rahā huuñ

ḳhud hī betāb tajallī hai azal se koī
dekhne ke liye parda hai tamannā.ī kā

tabassum meñ bhī dil ġham kī jhalak pahchān letā hai
ye dard-o-ġham azal se rahne vaale haiñ isī ghar ke

azal se māvarā rañgoñ se huuñ ye merā da.avā hai
asās-e-rañg par jāñcho na mujh ko naqsh-e-sāda huuñ

suḳhan kā āġhāz pahle bose kī tāzgī thā
azal-rubā sā.atoñ ke hamrāz ham hue the

roz-e-azal se haiñ judā aql-o-junūñ ke rāste
ya.anī tire ḳhayāl meñ donoñ ke ek daam haiñ

'nabīl' aise adhūre haiñ roz-o-shab jaise
mirā azal kisī andesha-e-abad meñ hai

vo abad tak uruuj kā partav
ham azal se zavāl meñ gum haiñ

hai azal kī is ġhalat baḳhshī pe hairānī mujhe
ishq lā-fānī milā hai zindagī faanī mujhe

bāñdh kar roz-e-azal shīrāza-e-marg-o-hayāt
sauñp dī goyā do aalam kī pareshānī mujhe

azal se hai mirī fitrat meñ jhuknā
to phir sajdoñ se mujh ko aar kyā hai

azal se sūraj abad meñ talāsh jis ko kartā huā gayā hai
sadaf zamīñ hai to zindagī kā guhar mirī ḳhaak meñ milegā

abas hai koshish husūl-e-zar meñ ḳhayāl-e-fāsid ko rakh na sar meñ
vahī milegā azal se jo kuchh har ek ke naam par raqam hai