Tags-Azal

jo azal meñ thā vahī nuur hai ki charāġh-e-mahfil-e-tūr hai
koī rahne vaalā zarūr hai mire dil meñ dard ke naam se

abad ke sāhiloñ par
yā azal kī jalva-gāhoñ meñ

chehra hai ki hai ā.īna-e-gardish-e-daurāñ
shahkār haiñ kyā kyā mire naqqāsh-e-azal ke

haañ azal se jo muqaddar hai vahī hogā magar
jazba-e-tā.īd-e-qudrat sa.i-e-lā-hāsil meñ hai

kam na thā ishq azal se rusvā
kar diyā aur bhī rusvā ham ne

ḳhatt-e-peshānī meñ saffāk azal ke din se
terī talvār se likkhī hai shahādat merī

mire rumūz kā irfāñ kise nasīb ki maiñ
sarosh-e-rūh-e-azal huuñ samā se aayā huuñ

kuchh bhī na thā azal meñ ba-juz sho.ala-e-vajūd
haañ duur tak adam kā dhuāñ hāshiye meñ thā

kuchh ik burā.iyāñ mujh meñ azal se Thahrī haiñ
kuchh is zamāne meñ aa kar burā huā huuñ maiñ

ab to is jañg kā faisla ho koī
laḌ rahe haiñ azal se havā aur maiñ

'manzar' azal se sāhab-e-izzat vahī rahe
jo munharif hue na kabhī ḳhāndān se

tamām sahrā-o-dasht-o-jabal kaheñ labbaik
azal se phailī fazāoñ meñ ik azaan to hai

azal se gulshan-e-hastī meñ hai maujūd bhī vo
magar lagtā hai jaise aaj hī taaza khilā hai

maiñ ya.anī azal kā ārmīda
lamhoñ meñ bikhar ke thak gayā huuñ

ham haiñ azal se gard-e-rah-e-kārvāñ hameñ
dīvār kī talāsh na dar kī talāsh hai

azal se us pe rahmat hai abad tak us pe rahmat ho
raqam hai ḳhatt-e-jām-e-bāda meñ taqdīr-e-mai-ḳhāna

dekhā tumhārī shakl meñ husn-e-azal kī zau
sajda tumhāre dar pe huā hai ravā mujhe

namī pasīnoñ kī miltī rahī hai us ko aur
azal se baaqī hai ab tak jo ḳhaak hai zarḳhez

begānagī ne ye raaz kholā
tū merā azal se āshnā hai

vo ek lamha ki
lam-yazal ne azal kī ḳhush-baḳht sā.atoñ kā ḳhamīr le kar