Tags-Azal

hai qarīb ai shab zarā sub.h-e-qayāmat kā tulūa
TūTne ko hai azal-tābāñ tanāb-e-kahkashāñ

azal se āshnā hai dil tire jalvoñ se ai hamdam
tasavvur meñ tirī tasvīr thī tasvīr se pahle

kabhī pahnā nahīñ us ne mire ashkoñ kā pairāhan
udāsī merī āñkhoñ meñ azal se be-libāda hai

tere azal abad ke kināroñ ke darmiyāñ
kartī hai bāzgasht jo aisī sadā huuñ maiñ

yahī din to azal se merī qismat thā
magar āñkhoñ meñ sahrā ne bharī vo ret

ho chukī roz-e-azal vābastagī-e-huns-o-ishq
ek jān-e-ārzū hai ik jahān-e-ārzū

vo ḳhānqahī diin ke pairav haiñ azal se
maiñ aaj talak sāhab-e-illā huuñ burā huuñ

vīrāna-nashīnī hai azal se mirī jāgīr
qismat ne diyā hai mujhe farmān-e-bayābāñ

nā-vāqif-e-ādāb-e-mohabbat ko sazā kyā
ai husn-e-azal tere ḳhatā-kār bahut haiñ

ai qadāmat-kesh sun ye ālam-e-ījād hai
naam jiddat kā azal meñ lā-yazālī ho gayā

azal se merī hifāzat kā farz hai un par
sabhī dukhoñ ko mere ās-pās honā hai

azal abad meñ Thanī hai so maiñ nikaltā huuñ
mirī kaḌī se tirā silsila ḳharāb na ho

uThī huī mire sar par azal se hai talvār
khiñchī huī hai abad se kamāñ mire pīchhe

azal lā-yazal abad be-badal jo bane āj-kal ufuq-sad-amal
na kahīñ the ḳhafī na kahīñ the jalī na koī thā nishāñ na koī naam thā

azal se pahle hī dhun thī husūl-e-paikar kī
ye kā.enāt kā ḳhāka mire qayās meñ thā

shabnam isī junūñ meñ azal se hai sīna-kūb
ḳhurshīd kis maqām pe miltā hai raat se

tū ne kis aisī nigāhoñ se azal meñ dekhā
aaj tak ḳhauf se dil kaañp rahā hai ai dost

unheñ azal kī titliyoñ ke
rañg kī talāsh thī

ye baat phir mujhe sūraj batāne aayā hai
azal se mere ta.āqub meñ merā saayā hai

rahā hai musht-e-turāb-e-azal mirā mamba.a
mirī ye ḳhāk-e-kamāl-e-ayāġh hai ki nahīñ