Tags-Zindagi

hamesha zindagī kaTtī rahī tārīk rātoñ meñ
na jaane jvār-bhāTe kyuuñ hamāre dil meñ rahte haiñ

jab zindagī guzār dī aayā hai tab ḳhayāl
kyuuñ us kā intizār 'zafar' umr bhar kiyā

zindagī kī talḳhiyāñ haiñ gardish-e-ayyām tak
lāla-o-gul kā tabassum hai chaman meñ shaam tak

saañs lenā to nahīñ koī dalīl-e-zindagī
zindagī kaisī nahīñ ab zindagī kā naam tak

jab bhī miltī hai mujhe ajnabī lagtī kyuuñ hai
zindagī roz na.e rañg badaltī kyuuñ hai

jo paḌhā hai use jiinā hī nahīñ hai mumkin
zindagī ko maiñ kitāboñ se alag rakhtā huuñ

sirf din Dhalne pe mauqūf nahīñ hai 'mohsin'
zindagī zulf ke saa.e meñ bhī shab kartī hai

ik dhuup zindagī ko yuuñ sahrā banā ga.ī
aa.e na is ujaaḌ meñ mausam bahār ke

pahchān bhī sakī na mirī zindagī mujhe
itnī ravā-ravī meñ kahīñ sāmnā huā

ziyāñ o suud miT ga.e karam pe us ke rah ga.e
hamārī saarī zindagī kā ye hisāb ho gayā

zindagī maut kī panāh meñ hai
ye haqīqat mirī nigāh meñ hai

zindagī ġham kā isti.āra hai
dard jīvan ke sāl-o-māh meñ hai

zindagī us ne badal kar mirī rakh dī aisī
na mujhe chain na ārām hai kyā arz karūñ

ek ġham qismat ne jaise dhar diyā qirtās par
zindagī jiinā bhī jaise sānvī tahrīk hai

guzar rahī thī zindagī guzar rahī hai zindagī
nasheb ke baġhair bhī farāz ke baġhair bhī

ġham-e-zindagī nāla-e-sub.h-gāhī mire shaiḳh sāhab kī vaahī tabāhī
agar un ke hote vajūd-e-ilāhī haqīqat nahīñ hai to phir aur kyā hai

vo ek pal bhī kisī roz aa hī jā.egā
ki jab ye zindagī par e'tibār TūTegā

shahr se kyā ga.ī jānib-e-dasht-ezar zindagī fāḳhta
bain karne lagī aa ke shām-o-sahar mātamī fāḳhta

bahāne aur bhī hote jo zindagī ke liye
ham ek baar tirī aarzū bhī kho dete

koshish-e-amn-o-amān meñ hī yahāñ logoñ kī
zindagī shorish-e-tāvīl tak aa pahuñchī hai