Tags-Zindagi

kuchh dinoñ ke liye manzar se agar haT jaao
zindagī bhar kī shanāsā.ī chalī jaatī hai

zahe qismat agar hazrat ḳhud apnā jā.eza bhī leñ
hamārī zindagī par tiir barsāne se kyā hogā

saarā din bikhre hue ḳhvāboñ ko yakjā kījiye
zindagī ke naam par bas ik tamāsha rah gayā

ik taraf vo fikr-e-fardā zehn parchhā.ī huī
ik taraf ye zindagī yādoñ kī Thahrā.ī huī

raushnī ke zāviyoñ par munhasir hai zindagī
aap ke bas meñ nahīñ hai aap kā saaya yahāñ

mirā ḳhush-ḳhirām balā kā tez-ḳhirām thā
mirī zindagī se chalā gayā to ḳhabar huī

kyā karte zindagī se mohabbat hameñ bhī thī
nīlām chand sikkoñ meñ sachchā.ī ho ga.ī

maqtal-e-shām-o-sahar meñ kyā panaptī zindagī
shabnamistāñ hoñkte sho.aloñ kī nigarānī meñ thā

zindagī kī tez-gāmī aur daulat kī havas
aane vaale kal se ham ko be-ḳhabar kartī huī

log āsāniyoñ meñ DhūñDte haiñ
zindagī kī kalīd mushkil hai

kahūñ kyā hai kyā mirī zindagī ye hai zindagī koī zindagī
vo hai dushman-e-dil-o-jāñ mirā dil-o-jāñ se jis pe nisār huuñ

zindagī ik kitāb thī phir bhī
log guzre ġhalat sahī kar ke

lauTnā hai mujhe vahīñ yāroñ
un ke hī naam zindagī kar ke

āñgan meñ dhuup dhuup ko oḌhe udāsiyāñ
ghar meñ the zindagī ke nishāñ kam bahut hī kam

itnī azīyatoñ se guzarne ke ba.ad 'rind'
ḳhud par hai zindagī kā gumāñ kam bahut hī kam

bharam khulne na paa.e bandagī kā
vo mātam kar rahe haiñ zindagī kā

zindagī ḳhud meñ 'amar' ḳhush thī bahut
maut ne kar dī sharārat kaisī

lab par haiñ zindagī kī duā.eñ bahar-nafas
māyūs pā rahā huuñ masīhā nazar ko maiñ

be-maza hone lagī hai zindagī ba.ad-e-shabāb
raat abhī baaqī hai lekin niiñd uchaTtī jaa.e hai