Tags-Zindagi

tujh pe vaise bhī lage haiñ yahāñ ilzām ka.ī
zindagī dekh adhūre haiñ abhī kaam ka.ī

chāk-dāmanī-o-rusva.ī-o-fāqa-mastī
zindagī tū ne diye haiñ mujhe in.aam ka.ī

har ek pal mare ham phir bhī zindagī chāhī
ġhazab kashish rahī kam-baḳht kī adāoñ meñ

nāzāñ hai zindagī mirī ab un kī maut par
jo log rah ga.e tirī bāhoñ meñ jhuul ke

sabhī haiñ apne magar ajnabī se lagte haiñ
ye zindagī hai ki hotel meñ shab guzārī hai

karīm terā ye diid mujh ko sadā huā hai ġhizā ye ruuh kā
'alīm' ke ta.iiñ to zindagī se nahīñ hai parvā charan kā hiitā

zindagī umr ke us moḌ pe pahuñchī hai jahāñ
suud nāpaid hai ehsās-e-ziyāñ baaqī hai

maiñ kabhī suud kā qaa.il bhī nahīñ thā lekin
zindagī aur batā kitnā ziyāñ baaqī hai

ham ko to un ke ḳhanjar-e-abrū ke ishq meñ
din zindagī ke kāTne dushvār ho ga.e

tire nisār na dekhī koī ḳhushī maiñ ne
ki ab to maut ko samjhā hai zindagī maiñ ne

zindagī jab ho bā.is-e-vahshat
maut ke Dar meñ kaun rahegā

zindagī thī bahut aziiz magar
zindagī se gile rahe barsoñ

zindagī ek baar miltī hai
us ko jiine kā hausla rakhnā

zindagī ik saaz hai lekin 'kañval'
be-sadā hone se pahle soch le

muflisoñ kī zindagī kā zikr kyā
muflisī kī maut bhī achchhī nahīñ

silvaTeñ haiñ mire chehre pe to hairat kyuuñ hai
zindagī ne mujhe kuchh tum se ziyāda pahnā

ta.alluq kī kaḌī TuuTī nahīñ hai
umīd-e-zindagī TuuTī nahīñ hai

dekhā hai zindagī ko kuchh itne qarīb se
chehre tamām lagne lage haiñ ajiib se

is tarah zindagī ne diyā hai hamārā saath
jaise koī nibāh rahā ho raqīb se

marne se pahle shakl hī ik baar dekh luuñ
ai maut zindagī kā patā chāhiye mujhe