Tags-Zindagi

dekhī jo raqs kartī huī mauj-e-zindagī
merā ḳhayāl vaqt kī shahnā.ī ban gayā

ḳhushk bātoñ meñ kahāñ ai shaiḳh kaif-e-zindagī
vo to pī kar hī milegā jo mazā piine meñ hai

vahī tulūa-e-hayāt kā ḳhush-gavār manzar
ki terā malbūs zindagī ke hazār rañgoñ se bhar chukā thā

barḳhud ġhalat kabhī na hue zindagī meñ 'lais'
duniyā-e-fan meñ dād-o-satā.ish ke bāvajūd

raushan hai saarī zindagī is dil kī aag se
aur dil ko aañch ik suḳhan-e-garm se mile

vo ek lamha mirī zindagī pe taarī hai
jo ek lamha abhī aan hī nahīñ paayā

dost hī jaan ko bhī aate rahe
dostoñ hī se zindagī bhī milī

zindagī thī faqat nasheb-o-farāz
yā kabhī sat.h-e-mustavī bhī milī

maiñ huā rusvā to merā ġham bhī rusvā ho gayā
zindagī kī kis qadar qīmat adā karnā paḌī

zindagī meñ kul milā kar dekheñ to
ḳhvāb aur taqdīr gardish karte hai

laġhzish-e-zindagī se ilm huā
maut kā hī payām hai miTTī

maiñ 'nabīl' is ḳhauf se ik umr soyā hī nahīñ
zindagī-bhar kā hai sonā lamha-bhar kā jāgnā

zindagī ko alvidā.a kah kar chalā jā.ūñgā maiñ
jab mirī tanhā.ī mujh ko dar-ba-dar karne lage

pā ga.e zindagi-e-nau ka.ī miTte hue rañg
zehn meñ jab koī tasvīr purānī aa.ī

thiiñ baham nashāt kī mahfileñ thiiñ qadam meñ lutf kī manzileñ
baḌā zindagī pe nikhār thā tumheñ yaad ho ki na yaad ho

jab maiñ na huuñ to shahr meñ mujh sā koī to ho
dīvār-e-zindagī meñ darīcha koī to ho

'nāhīd' bandishoñ meñ muqayyad hai zindagī
jaa.eñ hazār baar bulāvā koī to ho

hamārī chaah meñ roī hai zindagī itnā
ki paanī paanī huā jā rahā hai sam kā jigar

ham to akele roz ulajhte haiñ ḳhvāb se
kuchh bojh zindagī kā sambhālā usī kā hai

aa ke bachā le maut mujhe zindagī se tū
kitnī guzārūñ aur maiñ is bevafā ke saath