Tags-Zindagi

zindagī se to ḳhair shikva thā
muddatoñ maut ne bhī tarsāyā

kaun pahchānegā mujh ko merī sūrat dekh kar
jab maiñ apnī zindagī kā ā.īna ho jā.ūñgī

pahle ham zindagī ko TukḌoñ meñ
taqsīm karte haiñ

hai ki dushvār zindagī 'fahmī'
ḳhud ko bīmār bā-ḳhudā kar do

zindagī ik tohmat-e-bejā hai merī zaat par
maut ik ilzām-e-nā-jā.ez 'jigar' mere liye

dil jo haarā to phir bachegā kyā
zindagī ab na aazmā mujh ko

rāh-e-ulfat meñ hai marnā zindagī
dard manzil tak mujhe pahuñchā gayā

zindagī
itnī saada bhī nahīñ ki ek black-and-white t-v-set

ho sake to apnī ḳhushiyāñ dard ke māroñ meñ baañT
zindagī kā kārvāñ to yūñhī chaltā jā.egā

ek pal meñ zindagī bhar kī udāsī de gayā
vo judā hote hue kuchh phuul baasī de gayā

ġham-e-daurāñ meñ guzrī jis qadar guzrī jahāñ guzrī
aur is par lutf ye hai zindagī ko muḳhtasar jaanā

vatan Dher ik an-mañjhe bartanoñ kā
jise zindagī ke pasīnoñ meñ Duubī huī mehnateñ dar-ba-dar DhūñDhtī haiñ

mujhe apnī maut se bahut mohabbat hai
maut zindagī kā sab se baḌā sach hai

dil-o-dimāġh meñ ik raushnī sī dar aa.ī
har ek ghūñT pe kuchh zindagī ke raaz khule

qafas se chhuTne pe shaad the ham ki lazzat-e-zindagī milegī
ye kyā ḳhabar thī bahār-e-gulshan lahū meñ Duubī huī milegī

jis kī navāzishoñ pe hai mauqūf zindagī
kyā hogā gir ga.e agar us kī nazar se ham

ban ga.ī bīmār-e-ġham kī zindagī
un kī jab chashm-e-ināyat ho ga.ī

nafas nafas iztirāb sā kuchh
hai zindagī yā azaab sā kuchh

har chand zindagī ne sambhāle liye bahut
phir bhī ajal ke haath se vo zer ho ga.ī

zindagī regzār kī sūrat
guzrī guzrī bahār kī sūrat