Tags-Zindagi

zinda rahne ke the jitne uslūb
zindagī kaT ga.ī tab yaad aa.e

ġharīb maaoñ sharīf bahnoñ ko aman-o-izzat kī zindagī de
jinheñ atā kī hai tū ne tāqat unheñ hidāyat kī raushnī de

chāhatoñ ke ḳhvāb kī ta.abīr thī bilkul alag
aur jiinā paḌ rahī hai zindagī bilkul alag

aur kuchh mahrūmiyāñ bhī zindagī ke saath haiñ
har kamī se hai magar terī kamī bilkul alag

zindagī kī lai bikharne kā sabab shāyad yahī
saaz kī dhun se hai merī naġhmagī bilkul alag

safar ye zindagī kā is qadar hai lāzim kyoñ
safar meñ ham haiñ magar ham meñ ye safar to ho

Daal kar āñkhoñ meñ āñkheñ karnī hai kuchh guftugū
zindagī ai zindagī to ruk abhī aatā huuñ maiñ

sub.h hogī kahānī banegī koī
zindagī kā yahī mas.ala rah gayā

kuchh is tarah se guzārī hai zindagī jaise
tamām umr kisī dūsre ke ghar meñ rahā

kisī ke saath guzārā huā vo ik lamha
agar maiñ sochne baiThūñ to zindagī kam hai

ye zindagī kī harārat tire sabab se hai
maiñ lamha lamha junūñ kī tamāzatoñ meñ rahūñ

maiñ jāntā huuñ ki ik farishta
jo zindagī se rihā karegā

ajiib ḳhvāboñ kā be-nām silsila hai ye
ki zindagī se koī rābta nahīñ miltā

vo shām-e-ġham jo tirī zindagī kā hāsil hai
vo shaam nūr-e-sahar ke sivā kuchh aur nahīñ

nikhar aa.ī nikhār aa.ī sañvar aa.ī sañvār aa.ī
guloñ kī zindagī le kar gulistāñ meñ bahār aa.ī

zindagī mujh dil-e-murda kī tauhīñ hai mat jā
dil se gar ḳhush nahīñ ai shoḳh mirī jaan meñ aa

ho agar mumkin tujhe ai zindagī
ābshāroñ sī ravānī de mujhe

ye sach hai ham ne bhī aksar nibāhī hai us se
hamāre saath bhī ye zindagī nibāh ga.ī

minnateñ maut kī kartā huuñ to vo kahtī hai
zindagī ne to kiyā terā nigahbāñ mujh ko

zindagī se koī mānūs to ho le pahle
zindagī ḳhud hī sikhā degī use kaam kī baat