Tags-Zulf

zulf o abrū ne to ai jaan thā bāñdhā maarā
par tirī chashm ne kar ke mujhe be-jāñ chhoḌā

suñghā kar nik.hat-e-zulf-e-muambar
uḌā kar le ga.ī bād-e-sabā dil

ḳhud raqīboñ ke vāste maiñ ne
zulf ma.ashūq kī sañvār hī dī

zulf āvāra garebāñ chaak ghabrā.ī nazar
in dinoñ ye hai jahāñ meñ zindagānī kā nizām

halqe haiñ chashm-hā-e-kushāda ba-sū-e-dil
har tār-e-zulf ko nigah-e-surma-sā kahūñ

rū-o-ḳhāl-o-zulf hī haiñ sumbul-o-sabza-o-gul
āñkheñ huuñ to ye chaman ā.īna-e-nairañg hai

itnā bhī kar sakegā na kyā merā dast-e-shauq
kyuuñ zulf-e-kā.enāt ko suljhā rahe ho tum

ḳhayāl-e-zulf meñ siine pe saañp loTte haiñ
dahān-e-mār kā chhālā hai aabla dil kā

kisī ke zulf ne barham kiye haiñ hosh-o-havās
luTā hai shaam ke raste meñ qāfila dil kā

maiñ ishq-e-qad meñ alif khīñch kar huā huuñ faqīr
maiñ zulf-e-yār se rakhtā huuñ silsila dil kā

chhalke hue the jaam pareshāñ thī zulf-e-yār
kuchh aise hādsāt se ghabrā ke pī gayā

zulf terī kyuuñ na khaa.e pech-o-tāb
haal mujh dil kā pareshāñ buujh kar

aah vo ġhārat-gar-e-sabr-o-shakeb
silsila-e-zulf shikan dar shikan

rāste bhar us ruup kī dhuup meñ jaan khapā.eñge maut kī had tak
chalte samay phir us kī zulf kī chhāñv meñ bisrām kareñge

roz-o-shab hai ḳhayāl-e-kākul-o-zulf
kin balāoñ meñ phañs rahā huuñ maiñ

āshiq kī siyah-rozī ījād huī jis din
us roz se ḳhvāboñ kī ye zulf pareshāñ hai

vo zulf-e-pur-shikan lagtī nahīñ haat
mujhe saarī pareshānī yahī hai

ham na kahte the ki saudā zulf kā achchhā nahīñ
dekhiye to ab sar-e-bāzār rusvā kaun hai

'uzlat' tū kar us zulf-e-pareshāñ se ye dil jam.a
zunnār kā shīrāza-e-qur.ān banegā

us zulf kī gar lail barāt aave mire haat
dil ke mire dāġhoñ kā charāġhān banegā