Tags-Zulf

aa.ī thī yahāñ zulf-e-girah-gīr kaTā kar
mashriq kī havā bād-e-shumālī kī tarah thī

zulf ke pech meñ laTke hue shā.er kā vajūd
thak chukā hogā use mil ke utāro yaaro

ruḳh o zulf par jaan khoyā kiyā
añdhere ujāle meñ royā kiyā

vo zulf-e-siyah hai ki mushk-e-ḳhutan hai
nahīñ ḳhat savād-e-dayār-e-halab hai

hazār barhamī-e-zulf-e-yār bhī dekhī
tujhe to kākul-e-gītī magar sañvār chale

dosh-e-gītī pe pareshāñ huī phir zulf-e-shamīm
laḌkhaḌātī huī phirtī hai gulistāñ meñ nasīm

zulf bikhrī hai ki rahmat kī ghaTā chhā.ī hai
jis taraf dekhiye ra.anā.ī hī ra.anā.ī hai

maiñ ne balā.eñ bhī nahīñ liiñ zulf-e-yār kī
maiñ ho gayā balā-e-giraftār be-sabab

uqda-e-pech-o-ḳham-e-zulf kā khulnā ma.alūm
rāz-e-alam se hai ye silsila-e-rāz judā

yuuñ hī kyā kam hai tirī yaad ki dil ko chheḌeñ
zulf-e-pur-ḳham lab-e-rañgīñ nigah-e-nāz judā

zarā aa ke sāmne baiTh jā mirī chashm-e-tar ke qarīb aa
mire ā.īne meñ bhī dekh le kabhī apnī zulf kī barhamī

sāya-e-zulf siyah-fām kahāñ tak pahuñche
jaane ye silsila-e-shām kahāñ tak pahuñche

zulf terī afsūñ-gar chashm terī pur-jādū
vo hai sehr-e-bangāla sehr-e-sāmrī ye hai

Darte haiñ chashm o zulf o nigāh o adā se ham
har dam panāh māñgte haiñ har balā se ham

kuchh na kiyā arbāb-e-junūñ ne phir bhī itnā kaam kiyā
dār-ba-dār uftād se khele zulf-ba-zulf ārām kiyā

dekhte kyā ho udhar gar zulf barham ho ga.ī
ye sarāsar harkat-e-bād-e-sabā thī maiñ na thā

diyā karte ho tum jis tarah se bal zulf-e-pechāñ ko
musāfir ke liye yuuñ phāñsiyāñ rahzan banāte haiñ

tā-zīst ham butoñ ke rahe saath misl-e-zulf
yuuñ umr kis ne kī hai jahāñ meñ basar ki ham

chheḌne se zulf ke uljho na tum
paḌ gayā hai pech suljhāte haiñ ham

jins-e-dil ko chhoḌ mat ai zulf-e-yār
hai ye saudā muft Thahrāte haiñ ham