Tags-Zulf

zulf-e-shab-gūñ ke sivā nargis-e-jādū ke sivā
dil ko kuchh aur balāoñ ne bhī aa gherā hai

tirī āñkhoñ ko bhī inkār tirī zulf ko bhī
kis ne ye ishq ko dīvāna banā rakkhā hai

ruḳh o zulf us ke shab-e-tār meñ dekhe bāham
huuñ achambhe meñ ise din kahūñ yā raat kahūñ

kyā zarūrat raushnī kī be-ḳhudī kī bazm meñ
zulf-e-sāqī mauj-e-mai sāġhar dhuāñ battī charāġh

zulf-o-ruḳhsār-o-nazar haiñ dushman-e-īmān-o-dīñ
lūTne nikle haiñ vo le kar dhuāñ battī charāġh

vo zulf hai to harf-e-tatār-o-ḳhutan ġhalat
is lab ke hote nām-e-aqīq-e-yaman ġhalat

mire baazū pe jab vo zulf-e-shab-gūñ khol detī thī
zamāna nik.hat-e-ḳhuld-e-barīñ meñ Duub jaatā thā

dhyān hai ārā.ish-e-zulf-e-pareshāñ kā tumheñ
yaad haiñ hāl-e-pareshāñ kī mirī kuchh ḳhvāriyāñ

kahte haiñ us ke silsila-e-zulf meñ 'nasīr'
dil bhī murīd ab sifat-e-shāna ho gayā

terī kamand-e-zulf ke mulk-ba-mulk haiñ asiir
bismil-e-ḳhanjar-nigāh ḳhāna-ba-ḳhāna kū-ba-kū

zulf terī siyāh nāgan hai
chhīn letī hai har kisī kā man

hai jo hairān-e-safā.e-ruḳh halab meñ ā.īna
bū-e-zulf-e-yār se aahū ḳhutan meñ mast hai

tumhārī zulf kā har taar mohan
huā mere gale kā haar mohan

maiñ hī nahīñ huuñ barham us zulf-e-kaj-adā se
Tuk muñh tirā jo paa.eñ uljheñ abhī havā se

is kī zulf ārāsta pairāsta
ik zarā sī barhamī darkār hai

zulf-e-siyah ke mujrim haiñ
kaale paanī bhijvā do

bosa zulf-e-dotā kā do
rūhoñ balā.eñ sadqa do

ye jo kaalī ghaTā chhā.ī huī hai
kisī kī zulf lahrā.ī huī hai

gulshan gulshan sho.ala-e-gul kī zulf-e-sabā kī baat chalī
harf-e-junūñ kī bañd-e-girāñ kī jurm-o-sazā kī baat chalī

āñkheñ maltā huuñ tumhārī zulf se
panja-e-mizhgāñ ba-rañg-e-shāna hai