Tags-Zulf

paḌī ruḳh pe zulf-e-pur-ḳham misī rashk-e-rañg-e-nīlam
ġharaz is tarah kā aalam ki parī kahe ahā-hā

chhuTtā hai kaun mar ke giraftār-e-dām-e-zulf
turbat pe us kī jaal kā pā.egā peḌ tū

aariz pe zulf-e-pur-shikan ek is taraf ek us taraf
haiñ aaj do sūraj-gahan ek is taraf ek us taraf

jumbish meñ zulf-e-pur-shikan ek is taraf ek us taraf
gardish meñ chashm-e-sehr-e-fan ek is taraf ek us taraf

jā.egā do ho kar ye dil aadhā idhar aadhā udhar
khīñchegī zulf-e-pur-shikan ek is taraf ek us taraf

maiñ ne kahā ke raat ke āñchal meñ kaun thā
us ne kahā ke zulf pe shabnam girā ke dekh

nik.hat-e-zulf-e-pareshāñ dāstān-e-shām-e-ġham
sub.h hone tak isī andāz kī bāteñ karo

qāfile manzil-e-mahtāb kī jānib haiñ ravāñ
merī rāhoñ meñ tirī zulf ke bal aate haiñ

lahrāte haiñ shānoñ pe 'hasan' zulf vo kam kam
saaya to vo karte haiñ ghanerā nahīñ karte

sāya-e-zulf ne us ke ye diyā dhokā raat
chalne vāloñ ne jise af.ī-e-rahzan samjhā

aks-afgan hai tire sāġhar-e-sahbā meñ ye zulf
tū abas ai but-e-mai-kash use nāgan samjhā

firāq-e-lab-o-zulf par munhasir kam hī paa.ī hai ahl-e-vafā kī taḌap
tum āġhosh ke tañg halqe meñ ho phir bhī har lamha afzūñ hai dil kī jalan

tujh zulf kī shikan hai mānind-e-dām goyā
yā sub.h par hamārī aa.ī hai shaam goyā

ishq-e-ruḳh-o-zulf meñ kiyā kuuch
shab aa ke rahā sahar kiyā kuuch

usī galī se aa.ī hai shamīm-e-zulf laa.ī hai
nasīm-e-sub.h aa.ī hai tasalliyāñ liye hue

toshak baalā posh razā.ī hai bhūle majnūñ barsoñ tak
jab dikhlāve zulf sajan kī ban meñ aavte abroñ ko

yaad meñ terī zulf-o-kākul kī
dil ke ta.iiñ pech-o-tāb aur hī hai

muddateñ huiiñ ki huā ḳhāna-e-zanjīr ḳharāb
basta-e-zulf-e-girah-dār huuñ kin kā un kā

tū kahāñ hai ki tirī zulf kā saaya saaya
har ghanī chhāñv meñ le jā ke biThātā hai mujhe

tirī zulf-e-ḳham-ba-ḳham ne na.e silsile nikāle
mirī sīna-chākiyoñ se jo banā mizāj-e-shāna