Tags-Zulf

kaun se din haiñ bachchoñ ke bin raste suune suune haiñ
koī zulf nahīñ lahrātī galiyoñ par sannāTā hai

ban ke uḌ nāgan mo.azzin ko Dase zulf-e-sanam
vasl kī shab ko azān-e-sub.h kā khaTkā burā

kuchh safar kī thakan se badan chor thā kuchh zamīñ saḳht thī āsmāñ duur thā
kuchh tirī zulf ke saa.e bhī the ghane phir yahī saa.e dīvār bante ga.e

vo siyāh-rañg shamīm-shām-e-visāl kī jo naved hai
is alam-gazīda firāq meñ vahī zulf yaad phir aa ga.ī

yahī jaam partav-e-ruḳh tirā yahī terī zulf ko ā.īna
mah o abrū mai kī hasīñ fazā ise roknā ye fazā ga.ī

khule jo ham to kisī shoḳh kī nazar meñ khule
hue girah to kisī zulf kī shikan meñ rahe

udāsī zulf kholegī dinoñ kī yaad meñ gum hai
shu.ūr-e-gul ko fikr-e-tishnagī mālūm hotī hai

sañvārtā na koī terī zulf-e-mushkīñ ko
jo ham bhī pairvī-e-āhū-e-ḳhutan karte

sañvāregā tū jitnā zulf-e-hastī
ye nāgin itnā bal khātī rahegī

akaḌ se nahīñ kaam sumbul kī ham ko
kisī zulf kā pech o ḳham dekhte haiñ

halqa-e-zulf se us kī jo ayaañ haiñ aariz
shab-e-tārīk meñ goyā ki farozāñ hai charāġh

tum apnī zulf se pūchho mirī pareshānī
ki haal us ko hai ma.alūm hū-ba-hū merā

baal dekhe haiñ jab suuñ maiñ tere
zulf sī dil kuuñ be-qarārī hai

tamām shahr ke dānishvaroñ ko vo zālim
asīr-e-zulf kiye āsare meñ rakhtī hai

tum muskurā ke ek taraf ho ga.e magar
ilzām saarā zulf-e-pareshāñ ke sar gayā

nazar bhī aa.e jo zulf-e-pechāñ to samjheñ ye koī policy hai
electric light us ko samjheñ jo barq-vash koī koī de

kisī ke ho raho achchhī nahīñ ye āzādī
kisī kī zulf se lāzim hai silsila dil kā

yahāñ to pech uThāyā kare dil-e-sad-chāk
sitam hai shāna vahāñ zulf-e-pur-shikan se mile