Tags-Zulf

us kī zulf-e-siyah hai ek balā
is balā se ḳhudā hī deve panāh

maiñ sochtā huuñ zamāne kā haal kyā hogā
agar ye uljhī huī zulf tū ne suljhā.ī

thakan tere badan kī uzr koī DhūñDh hī letī
hadīs-e-mahfil-e-shab kah rahī hai zulf barham bhī

na zulf-e-yār kā ḳhāka bhī kar sakā maanī
har ek baal meñ kyā kyā na shāḳhsāna huā

'mīr' har-yak mauj meñ hai zulf hī kā sā dimāġh
jab se vo dariyā pe aa kar baal apne dho gayā

gul ruḳh-e-nāzuk zulf hai sumbul aañkh hai nargis seb-e-zanaḳhdāñ
husn se tum ho ġhairat-e-gulshan māshā-allāh māshā-allāh

judā.ī meñ us zulf kī misl-e-shāna
mirī uñgliyāñ ustuḳhvāñ ho ga.ī haiñ

mujhe dekh muñh par pareshāñ kī zulf
ġharaz ye ki jā tū huī ab to shaam

ek us zulf se uThāyā haath
chhaT ga.e lākhoñ shāḳhsāne se

kah vo mashshāta se af.ī hai vo zulf
us ke kaaTe kā nahīñ mantar na chheḌ

tū jo ai zulf pareshān rahā kartī hai
kis ke ujḌe hue dil meñ hai Thikānā terā

kyā batā.ūñ ki hai kis zulf kā saudā mujh ko
dūd-e-har-sham.a garebāñ nazar aayā mujh ko

pairav-e-silsila-e-zulf-e-muambar maiñ huuñ
tauq se uzr na zanjīr se bāhar maiñ huuñ

koī is ko kahe hai daam kui zanjīr kui sumbul
hazāroñ naam haiñ kāfir tirī zulf-e-musalsal ke

giraftārī huī hai dil ko mere be-tarah is se
ki aa.e pech meñ kahte hī un kī zulf ke bal ke

kis baam se aatī hai tirī zulf kī ḳhushbū
dil yādoñ ke ziine pe khaḌā soch rahā hai

āshiq-e-zulf-o-ruḳh-e-dildār āñkheñ ho ga.iiñ
mubtalā-e-kāfir-o-dīñdār āñkheñ ho ga.iiñ

allāh-re tere silsila-e-zulf kī kashish
jaatā hai jī udhar hī khiñchā kā.enāt kā

ham ki zinda haiñ abhī zulf-e-ġhazal aa tujh ko
phir atā nik.hat-e-shīrāz kiye dete haiñ

manzil-e-dār-o-rasan bhī hai ruḳh-o-zulf ke ba.ad
dekhiye shauq hameñ le ke kahāñ tak pahuñche