Tags-Badan

hamārī ruuh hamāre badan ko tarsegī
hamāre biich to sadiyoñ kā fāsla hogā

ajab sī aag thī jaltā rahā badan saarā
tamām umr vo hoñToñ pe ban ke pyaas rahā

kahāñ hai gul-badan mohan piyārā
ki jiyūñ bulbul hai nālāñ dil hamārā

havā kā haath kyā ātish-e-badan hai jo saf-e-gul
ho mausam koī bhī ye to vahī sho.ala-ba-jāñ hai

badan hai shīshe ke mānind vaqt kā iqbāl
use batāo ki ham pattharoñ se duur rahe

kalī sā badan hai ki mauj-e-bahār
vo sar se qadam tak kuñvārī lage

ab rāstoñ kī gard se aTte nahīñ badan
naqsh-e-qadam asīr-e-gul-e-tar banā diye

añdherī rātoñ meñ dekh lenā
dikhā.ī degī badan kī ḳhushbū

usī kā dam bharā karte raheñge
badan meñ apne jab tak nīm-jāñ hai

vo buuñd buuñd qayāmat vo nuur nuur badan
kisī ne dekhā hī kab hai use sañvarte hue

nazar aatā nahīñ mujh kuuñ sabab kyā
mirā nāzuk badan haihāt haihāt

maiñ itne zor se chīḳhā chaTaḳh gayā hai badan
phir is ke ba.ad kisī ne nahīñ sunī merī

maiñ thā jo hadd-e-jism se aage na baḌh sakā
vo le gayā badan se mire chhīn kar mujhe

sharbat-e-vasl hai tanqīd kī ḳhātir maujūd
tap-e-hijr aa ke badan ko na hamāre toḌe

nazar meñ ik charāġh thā badan meñ ek baaġh thā
charāġh o baaġh ho chuke koī rihā rahā nahīñ

havas kī razm-gāh meñ badan kī kār-gāh meñ
vo shor thā ki duur tak kisī ne kuchh sunā nahīñ

na to āshnā na hī ajnabī na koī badan hai na ruuh hī
yahī zindagī kā hai falsafa ye jo falsafa hai ye Thiik hai

huzūr āriz-o-ruḳhsār kyā tamām badan
mirī suno to mujassam gulāb ho jaa.e

tāsīr-e-barq-e-husn jo un ke suḳhan meñ thī
ik larzish-e-ḳhafī mire saare badan meñ thī

'sirāj' us shola-rū kī tañg poshī kuuñ kahāñ pahuñche
ki hai jaama badan meñ sham.a ke fānūs kā Dhailā