Tags-Badan

maa.il huuñ gul-badan kā mujhe gul siiñ kyā ġharaz
kākul meñ us ke band huuñ sumbul siiñ kyā ġharaz

badan hai sabz aur shādāb lekin ruuh pyāsī hai
mire andar hazāroñ bāñjh peḌoñ kī udāsī hai

chāñdī kā badan sone kā man DhūñD rahā hai
auroñ maiñ hī achchhā.ī kā dhan DhūñDh rahā hai

hai ajab mashaqqat-e-vasl jis kī thakan se qabl
ye badan thakan se niDhāl thā so nahīñ rahā

sunā huā thā hijr mustaqil tanāv hai
vahī huā mirā badan kamān ban gayā

meñ niiñd huuñ mirī had hai tumhārī palkoñ tak
badan jalā ke mirā intizār mat karnā

us ke badan kā loch thā dariyā kī mauj meñ
sāhil se maiñ bahāv ko taktā hī rah gayā

khulī haiñ āñkheñ magar badan hai tamām patthar
koī batā.e maiñ mar chukā huuñ ki jī rahā huuñ

vo reza reza mire badan meñ utar rahā hai
maiñ qatra qatra usī kī āñkhoñ ko pī rahā huuñ

gul-badan karte the kis kis taur iz.hār-e-ishtiyāq
ġhuncha-lab milte the sau sau dil meñ rakh kar be-kalī

raat thak kar aan girtā hai mire jalte badan kī aañch par
apne aañsū mere gāloñ par Dhalakte dekhtā rahtā hai vo

badan dar badan ishq rūh-e-ravāñ
zamāñ dar zamāñ ek Dharrā sahī

mulāqātoñ kā aisā silsila rakkhā hai tum ne
badan kyā ruuh meñ bhī rat-jagā rakkhā hai tum ne

sharm bhī ik tarah kī chorī hai
vo badan ko churā.e baiThe haiñ

ham apne khetoñ meñ hosh bo.eñge fasl-āvar havās deñge
zamīñ ke nañge badan ko āḳhir pahāḌ kab tak libās deñge

us sāñvle badan par mahkeñ ḳhunuk savere
un mast añkhḌiyoñ se rañgoñ kī phuvār phūTe

mirī ḳhāk-e-badan ik roz 'shāhid'
barā.e kūcha-e-dildār hogī

misl-e-sahrā hai rifāqat kā chaman bhī ab ke
jal bujhā apne hī sho.aloñ meñ badan bhī ab ke

jab garmī-e-shabnam se badan jalne lagā hai
ham aag ke dariyā meñ nahāne chale aa.e

daftar meñ zehn ghar nigah rāste meñ paañv
jiine kī kāvishoñ meñ badan haath se gayā