Tags-Badan

bujhī ruuh kī pyaas lekin saḳhī
mire saath merā badan bhī to hai

agar laave tū bū us gul-badan kī
to hoñ tujh se nihāyat ai sabā ḳhush

ek din shaam ko bāzār meñ chalte-phirte
sansanāhaT sī huī saare badan meñ mere

maiñ zeb rahā huuñ kabhī yūsuf ke badan par
kyā chiiz bhalā dast-e-zuleḳhā mire aage

nafas nafas na.ī tahdāriyoñ meñ zaat kī khoj
ajab haiñ tere badan tere ḳhadd-o-ḳhāl ke din

miTTī kā badan kar diyā miTTī ke havāle
miTTī ko kahīñ tāj-mahal meñ nahīñ rakkhā

kabhī judā do badan hue to diloñ pe ye do azaab utre
bichhaḌne vaale kī yaad aa.ī milan ke āñkhoñ meñ ḳhvāb utre

kal raat huā yuuñ bhī
ik chāñd badan laḌkī

vo chhup rahā hai ḳhud apnī panāh-e-mizhgāñ meñ
badan tamām mujassam rahā hai āñkhoñ meñ

yā tire qurb kī ye sā.at-e-afsurda hai
yā kabhī tere tasavvur se sulagtā thā badan

juz hamāre kaun āḳhir dekhtā is kaam ko
ruuh ke andar koī kār-e-badan hotā huā

vo badan phuul kī bāhoñ meñ palā ho jaise
is qadar narm ki ḳhvāboñ meñ Dhalā ho jaise

ruuh to pahle bhī thī ab ke badan bhī hai asiir
ab to yuuñ lagtā hai jaise ho mirā paikar bhī tū

dard kī mauj-e-subuk-sair meñ bah jā.ūñgā
chāhe vo jaan se chāhe vo badan se aa.e

ḳhudā ko pūjne lag jā.ūñ chhoḌ kar but ko
butoñ ke jaise badan vaalā vo ḳhudā bhī to ho

vahāñ maiñ jā.ūñ magar kuchh mirā bhalā bhī to ho
vo phuul bāġh-e-badan meñ khilā huā bhī to ho

sakūñ milā hai magar iztirāb jaisā hai
tire badan kā fusūñ bhī sharāb jaisā hai

barahnagī ko tamāshā bhī dardnāk milā
badan ke rañg jab utre khañDar nikal aayā

rau.dnā ghoḌe kī Tāpoñ se mirā baaqī badan
aur sar le jā ke pheñk aanā chaTānoñ meñ kahīñ

utaar pheñktā maiñ bhī ye tār-tār badan
asīr-e-ḳhāk huuñ karnā paḌā guzāra mujhe