Tags-Badan

ham ḳhud ġham-e-hayāt se sīna-figār haiñ
ai dosto dilāo na us gul-badan kī yaad

ḳhud apnī ḳhvāhisheñ ḳhāk-e-badan meñ bone ko
mirā vajūd tarastā hai mere hone ko

bujhī ruuh kī pyaas lekin saḳhī
mire saath merā badan bhī to hai

tū be-ḳhabar hai magar niind se bharī laḌkī
mirā badan tirī añgḌā.iyoñ ne toḌ diyā

gungunā kar tairtā hai jis meñ ḳhushbū kā badan
'prem' terī shā.irī vo jhiil hai sur-tāl kī

havāoñ ko dayār-e-dil kī raat sauñp dī ga.ī
badan ko sham-e-nā-tavāñ kā haal de diyā gayā

to kyā huā jo mayassar koī libās nahīñ
pahan ke dhuup maiñ apne badan pe chalne lagā

cafe ke ek kone meñ masrūf guftugū
maġhmūm be-hayāt badan be-zabān se

maiñ muntazar huuñ kisī aise vasl kā jis meñ
mire badan pe tire jism kā libās rahe

rassī laTak rahī hai gale ko na bheñch le
ḳhanjar chamak rahā hai badan meñ utar na jaa.e

pairahan us kā hai aisā yā jhalaktā hai badan
ik parī-vash raqs meñ hai urġhuvānī rañg kā

ḳhāk-e-āġhushta-ba-ḳhūñ ko mirī be-qadr na jaan
gul-badan saare ise karte haiñ ubTab apnā

tire badan kī sabā kis chaman meñ chaltī hai
kahāñ pe ab tire hoñToñ ke phuul khilte haiñ

ye jañg ab kahāñ ho badan meñ ki ruuh meñ
goyā ki ishq kā koī maidān hī nahīñ

bujhī nahīñ mire ātish-kade kī aag abhī
uThā nahīñ hai badan se dhuāñ kahāñ gayā maiñ

gulāb lab to badan chāñd ātishīñ ruḳhsār
nazar ke sāmne itnā ḳhazāna Thiik hai kyā

maiñ tishna thā mujhe sar-chashma-e-sarāb diyā
thake badan ko mire pattharoñ meñ daab diyā

fuzūl hai un kī bad-dimāġhī kahāñ hai fariyād ab laboñ par
ye vaar par vaar ab abas haiñ kahāñ badan meñ hai jaan baaqī

badan badan se ḳhulūs-o-vafā kī ḳhushbūeñ
maiñ sūñgh kar nahīñ chhūkar talāsh kartā huuñ

paḌā rah badan ke darīche na khol
mirī uñgliyoñ meñ havasnākī hai