Tags-Badan

rāsta de ki mohabbat meñ badan shāmil hai
maiñ faqat ruuh nahīñ huuñ mujhe halkā na samajh

badan tamām huā hai lahū-luhān mirā
na.ī rutoñ kā musāfir ba-chashm-e-tar aayā

ridā rahī na badan par koī qabā shādāb
ye kaun dhuup meñ dekho barahna-sar aayā

diyā jalāte hue haath kāñpte kyuuñ haiñ
kahāñ se ḳhauf badan meñ havā kā dar aayā

vo 'faiz'-o-'firāq' ziyāda
taqdīs-e-badan kī naġhma-ḳhvāñ thī

tū mirā ḳhvāb hai sardī kī kisī raat kā ḳhvāb
sard hai jis meñ badan ruuh kā paara hai bahut

javānī kyā huī ik raat kī kahānī huī
badan purānā huā ruuh bhī purānī huī

visāl hī visāl hai firāq ab muhāl hai
maiñ tere har libās kī tarah tire badan pe huuñ

dil le gayā hai merā vo sīm-tan churā kar
sharmā ke jo chale hai saarā badan churā kar

dil ne paayā jo mire muzhda tirī paatī kā
muñh phirā sū-e-badan jān-e-ba-lab aatī kā

kabhī kabhār use dekh leñ kahīñ mil leñ
ye kab kahā thā ki vo ḳhush-badan hamārā ho

ye qurbatoñ kī raat ye jalte hue badan
niklegī aaj ek zamāne kī aarzū

har zāviye se husn-e-badan dekhne kā shauq
rakhte haiñ log ā.īna-ḳhāne kī aarzū

sahrā ki saḳht dhuup meñ jalte hue badan
bār-e-ġham-e-hayāt uThāne ki aarzū

kisī kā qurb kabūtar ke pañkh jaisā thā
badan kī aag bhī paanī huī salīqe se

gulāb thā na kañval phir badan vo kaisā thā
ki jis kā lams bahāroñ meñ rañg bhartā thā

na surḳhī ġhuncha-e-gul meñ tire dahan kī sī
na yāsman meñ safā.ī tire badan kī sī

kamāl-e-hirs hai jazb-o-talab kī duniyā meñ
badan ko ruuh kī āvāz se judā rakhnā

nahīñ koī rāzdār ham sā kiyā na vahshat meñ tujh ko rusvā
ki daaġh mānind-e-ḳhār-e-māhī badan meñ rakhe chhupā chhupā kar