Tags-Badan

hai bādaloñ ke siyāh ghoḌoñ ke saath varna havā kī parchhā.īñ kis ne dekhī
dhulī dhulī dhuup ke badan par jo chhāñv jaisī subuk-ravī hai vo shā.irī hai

nahīñ misāl koī aisā be-misāl badan
hai ḳhud javāb vo apnā hai ḳhud savāl badan

shu.ūr-o-fikr pe ġhālib hai jism kā mausam
har ek ḳhvāb badan hai har ik ḳhayāl badan

tire badan kī masāfat ko tai kiyā to magar
paḌā huā hai abhī tak mirā niDhāl badan

badan ke chīthḌe uḌte kahīñ havāoñ meñ
sunāne vaale se kam thā chhupāne vaale kā dukh

kaise gulfām kahūñ, kaise sitāra samjhūñ
vo badan aur hī miTTī kā banāyā huā hai

tab us kā zahr usī ke badan meñ bhar jaa.e
agar zabāñ na chalā.e to saañp mar jaa.e

aañkh kī us badan par lakīreñ khiñchīñ
har ġhazal se na.e isti.āre uThā

kisī aag meñ jalī tū kisī shaam meñ Dhalī maiñ
nahīñ ruuh to badan meñ so ThiThak ke jā rahī huuñ

badan kī mauj meñ añgḌā.iyāñ ulajh jaa.eñ
tilism aisā ki bīnā.iyāñ ulajh jaa.eñ

Thahrī huī lagtī thī havā aur har ik shai
jaise ki badan vaqt kā be-jān thā kal shab

hāthoñ meñ gar nahīñ to nigāhoñ ko dījiye
us sāhib-e-nisāb-e-badan se koī zakāt

phir unhī zard peḌoñ ke nañge badan sho.ala-e-naḳhl se raakh hone lage
maiñ to samjhā thā mausam badalte hī phir Dāliyoñ par vo patte palaT ā.eñge

larzāñ hai lahū kī ḳhalījoñ meñ pechāñ hai badan kī nasījoñ meñ
ik bujhte hue sho.ale kā safar kuchh din ho agar kuchh din to yahī

irāda mere khāne kā na ai zāġh-o-zaġhan kiijo
vo kushta huuñ jise sūñghe se kuttoñ kā badan bigḌā

asar iksīr kā yumn-e-qadam se terī paayā hai
jozāmī ḳhāk-e-rah mal kar banāte haiñ badan bigḌā

tumhāre ishq meñ jalne kī ḳhātir
badan meñ kuchh sharāre ug rahe haiñ

mire badan se phir aa.ī ga.e dinoñ kī mahak
agarche mausam-e-barg-o-samar chalā bhī gayā

safīr-e-jāñ huuñ hisār-e-badan meñ kyā Thahrūñ
chaman-parasto na ḳhushbū ke bāl-o-par bāñdho

ab us kā haq hai bahisht-e-badan pe jā uThnā
nigah hui hai rah-e-dīd par shahīd us kī