Tags-Aah

na khīñch teġh tū 'ehsān' nā-tavān pe aah
miyāñ ye zor kisī kā sadā nahīñ rahtā

tujh shauq meñ dil huā hai tambūr
har aah kuuñ taar būjhtā huuñ

ik bevafā ko dard kā darmāñ banā liyā
ham ne to aah kufr ko īmāñ banā liyā

aah ai ishrat-e-rafta nikal aa.e aañsū
maiñ na kahtā thā ki itnā na hañsā rahne de

us sitamgar ke jaur-e-paiham se
kis ko fursat hai aah bharne kī

bazm-e-rañg-o-naġhma meñ kaun multafit hogā
āh-e-nā-kashīda ham harf-e-nā-shanīda ham

ik baar yahāñ se jā.ūñgī maiñ lauT ke phir kab ā.ūñgī
tum āh-o-zārī laakh karo tum minnat sau sau baar karo

bayān-e-lutf-e-adū jafā hai ye tum se sau-bār kah diyā hai
phir ab kī sun lo nahīñ rahā hai hameñ bhī zabt āh-e-ātshīñ kā

aah merī hai asar se ham-dosh
tāl-e-zulf-e-rasā rakhtī hai

naala fariyād aah aur zaarī
aap se ho sakā so kar dekhā

vo raaz hai ye ġham aah jise pā jaa.e koī to ḳhair nahīñ
ā.ankhoñ se jab aañsū bahte haiñ aa jaa.e koī to ḳhair nahīñ

ab bhī rātoñ ko mirī niiñd uchaT jaatī hai
aah ik chāñd ko chhūne kā vo sapnā merā

ābrū-e-abr yaañ manzūr hai
aah maiñ dāman nichoḌūñ kis tarah

is shahr ko ab chhoḌ ke kyā jā.ūñ ki mujh ko
rokā hai kisī aah ne fariyād ne bāñdhā

pech khā khā kar hamārī aah meñ girheñ paḌīñ
hai yahī sumran tirī darkār koī maalā nahīñ

furqat meñ kār-e-vasl liyā vaah vaah se
har āh-e-dil ke saath ik armāñ nikal gayā

na vo āh-e-ġham na vo chashm-e-nam na vo laġhzisheñ haiñ qadam qadam
na vo kashmakash hai javāb meñ na vo valvale haiñ savāl meñ

vo aur hoñge jinheñ maqdarat hai nāloñ kī
hameñ to hausla-e-āh-e-nā-rasā bhī nahīñ

naala fariyād aah aur zaarī
aap se ho sakā so kar dekhā

misāl-e-barg-e-ḳhizāñ sarsar-e-firāq se aah
paTakte phirte haiñ sar ham tabāh ke maare