Tags-Aah

raas aa.e tum ko mulk-e-ishq kī āb-o-havā
āshiqo har-vaqt shaġhl-e-āh-o-zārī chāhiye

ek din sun kar chale aa.e the vo be-sāḳhta
āsmāñ par hai dimāġh ab āh-e-be-tāsīr kā

kuchh asar un par huā to kyā hī dete haiñ fareb
kahte haiñ qaa.il nahīñ maiñ āh-e-be-tāsīr kā

vo sun na paa.e to sadā kyā hai
āh-o-zārī se fā.eda kyā hai

aur jo na pasand aayā use vo to 'nazīr' aah
ne said kiyā us ko na fitrāk se bāñdhā

itnī raftār raushnī kī nahīñ
jitnī sur.at kisī kī aah meñ hai

tamannā hai yahī dil kī vahīñ chaliye vahīñ chaliye
vo mahfil aah jis mahfil meñ duniyā luT ga.ī apnī

mirī be-qarārī mirī āh-o-zārī ye vahshat nahīñ hai to phir aur kyā hai
pareshāñ to rahnā magar kuchh na kahnā mohabbat nahīñ hai to phir aur kyā hai

ham apnī aag ko paanī meñ Dhālne ke liye
tilism-kārī-e-āh-o-fuġhāñ meñ rahte haiñ

shola-e-āh jūñ-tūñ ab mujh ko
fikr hai apne har bin mū kā

aah ye jāda-e-pur-ḳham ye bhayānak jañgal
dil-e-darmāñda-o-umr-e-guzrāñ baaqī hai

jā.egī tāqat-e-pā aah tū kariyegā kyā
ab to ham haal kabhū tum ko dikhā jaate haiñ

aah is dil ne na maanī ek baat
nāsehā sau tarah se samjhā gayā

jo umañgoñ ko udāsī ke havāle kar de
aah vo tund-mizājī-e-buzrugāñ ai dost

aah anjām-e-ġham-e-dil ai 'shamīm'
ro rahā huuñ aur āñkheñ nam nahīñ

ātish-e-dil ko tez-tar dekhā
aah kā ham ne bhī asar dekhā

zabāñ se aah kyā uf tak nahīñ niklī
to ab ke choT kuchh gahrī lagī hai kyā

apnī qismat meñ to mahrūmī-e-jāved thī aah
varna ham shefta-e-rū-e-naqābī hote

huā dil kā haal abtar tujhe yaad karte karte
mirī jaañ nikal na jaa.e kahīñ aah bharte bharte

haal mirā is tarah digar ho
aah idhar ho vaah udhar ho