Tags-Aah

gumbad-e-gardūñ sambhal ai gumbad-e-gardūñ sambhal
kar na de sad paash tīr-e-āh par tāsīr dekh

āh-o-fuġhāñ ke saath saath chhā ga.ī ek be-ḳhudī
qat-e-zabāñ zarūr thā sham-e-zabān-darāz kā

kahīñ jalā de na use shola-e-āh-e-āshiq
palkoñ kī TaTTī ke ta.iiñ āñkhoñ kī ojhal na karo

shab-e-firāq ka.ī baar gosha-e-dil se
uThī to aah magar aah be-asar uTThī

zindagī bhar aarzū kā ḳhuun hī hotā rahā
lab pe lekin ek din bhī aah tak aa.ī na thī

vo zabt thā ki aah na niklī zabān se
dil pe hamāre kitne hī ḳhanjar guzar ga.e

zabt-e-ġham dast-ras-e-āh-e-rasā māñge hai
ye añdherā tire aariz kī ziyā māñge hai

aah misl-e-shab-e-javānī jald
kyā ye roz-e-visāl jaatā hai

mire habīb mujhe izn-e-bāryābī de
khaḌā huuñ dar pe tire āh-e-nā-rasā kī tarah

jo nafas thā ḳhār-e-gulū banā jo uThe the haath lahū hue
vo nashāt-e-āh-e-sahr ga.ī vo vaqār-e-dast-e-duā gayā

tirī zabāñ se jo nikle the bad-duā bin kar
mujhe jalāte haiñ sho.ale vo aah ke ab tak

na taare afshāñ na kahkashāñ hai namūna hañstī huī jabīñ kā
khulā hai parcham gaḌā hai jhanDā falak par us āh-e-ātishīñ kā

'attār' ho 'rūmī' ho 'rāzī' ho 'ġhazālī' ho
kuchh haath nahīñ aatā be-āh-e-sahar-gāhī

gul ke charāġh gul ho yak baar jhaḌ paḌeñ sab
mujh aah kī hikāyat boleñ agar sabā suuñ

naqāb udhar vo uThā.eñ idhar maiñ aah karūñ
samand-e-husn pe paḌ jaa.e tāziyāna-e-ishq

dilā ye dard-o-alam bhī to muġhtanim hai ki āḳhir
na girya-e-saharī hai na āh-e-nīm-shabī hai

dikhā.e ranj piirī ke ajal tere taġhāful ne
tujhe aanā thā pahle aah tū anjām kaar aa.ī

shahr-e-dil-e-āh ajab jaa.e thī par us ke ga.e
aisā ujḌā ki kisī tarah basāyā na gayā

kyā tunuk-hausla the dīda-o-dil apne aah
ek dam rāz-e-mohabbat kā chhupāyā na gayā

hazrat-e-dil to kab ke sidhāre ḳhuub jo DhūñDā 'inshā' ne
ek dhuāñ sā aah kā uTThā ḳhaak na paa.ī siina meñ