Tags-Aah

ashk to pī ga.e ham un ke huzūr
āh-e-be-iḳhtiyār le Duubī

asar hai chāh-e-zaqan kī ulfat kā ba.ad-e-murdan bhī aah baaqī
ki kheltī haiñ hamārī miTTī ke Dol laḌke banā banā kar

safar meñ pesh koī hādisa bhī mumkin hai
zarā se der meñ āh-o-bukā bhī mumkin hai

karb ko apne tamāsha na banāyā jaa.e
hai adab-gāh-e-vafā āh-o-fuġhāñ se aage

vo kyā chiiz hai aah jis ke liye
har ik chiiz se dil uThā kar chale

har zarra aah jis kā labrez-e-tishnagī hai
us ḳhaak kī bhī jānib ai abr-e-tar guzarnā

talāsh us kī fazāoñ meñ kar nasīb apnā
jahān-e-tāza mirī āh-e-sub.h-gāh meñ hai

mirī aah kī kār-farmā.iyāñ haiñ
pata lā-makāñ tak nahīñ āsmāñ kā

ḳhauf-e-rusvā.ī ne mujh ko aah bhī bharne na dī
lab tak aa.ī bhī to un kā naam ho kar rah ga.ī

chilchilātī dhuup sar par aur tanhā aadmī
aah ye ḳhāmosh patthar aur tanhā aadmī

tavāzo aap kī ham kyā kareñ bhalā sāhib
ba-qaul shaḳhse is apne jigar meñ aah nahīñ

ġhalat hai aah ki hai dil ko dil se raah nahīñ
ki terī chaah mujhe tujh ko merī chaah nahīñ

zauq-e-talab ko ishq ne turfa sabaq ye de diyā
nāla-e-dil-ḳharāsh ban āh-e-jigar-gudāz ho

soz-e-durūn-o-āh-e-dil ishq meñ donoñ ek haiñ
ham ko to ik surūr hai soz ho yā ki saaz ho

jald jaatī hai āsmāñ uupar
aah merī ajab havā.ī hai

ik āh-e-garm se turbat meñ kaam lene do
yūñhī jalā.e isī tarah se bujhā.e charāġh

merī āh-e-nīm-shab manzil-numā-e-shauq hai
nāla-e-dil ko rahīl-e-kārvāñ hone to do

vo hañsī āñkheñ jalā.e detī haiñ jaañ hamārī
navāh-e-jāñ meñ ġhubār-e-āh-o-bukā uḌā.eñ

āh-e-sozāñ ne jalā.e tire jañgal 'sayyāh'
naam ko bhī na rahā ek shajar meñ tinkā

tere kūcha se aah jaane ko
dil nahīñ yā ki apne pā hī nahīñ