Tags-Aah

shab-e-hijr aah kidhar ga.ī kahūñ kis se naala kidhar gayā
jo guzar ga.ī vo guzar ga.ī jo guzar gayā vo guzar gayā

sarāpā aarzū ban kar kamāl-e-mudda.ā ho jā
vo nañg-e-ishq hai jo aarzū āh-o-fuġhāñ tak hai

na thā sarisht meñ āh-o-fuġhāñ kā rañg koī
isī liye to hameñ nāla-e-rasā na milā

aah vo sho.ala hai jo jī ko bujhā ke uTThe
dard vo fitna hai jo dil ko biThā ke uTThe

rū-e-suḳhan badal gayā baḌhne lage haiñ fāsle
āh-e-sukūt munjamid baiThe haiñ saaz le ke ham

ai aah merī ḳhātir-e-vābasta ke sivā
duniyā meñ koī uqda-e-mushkil nahīñ rahā

har-chand maiñ huuñ tūti-e-shīrīñ-suḳhan vale
ā.īna aah mere muqābil nahīñ rahā

ranj o taab musībat o ġham yaas o dard o daaġh
aah o fuġhāñ rafīq haiñ ye dil ke chaar pāñch

maiñ vo huuñ jis ke ġham ne tire dil meñ raah kī
ik umr jis ke ishq meñ ḳhud tū ne aah kī

aah be-asar kis kī naala nā-rasā kis kā
kaam bār-hā aayā jazba-e-nihāñ apnā

nahīñ ye hai gulāl-e-surḳh uḌtā har jagah pyāre
ye āshiq kī hai umḌī āh-e-ātish-bār holī meñ

sitam ho jā.egā gar baal bhī bekā huā us kā
nikal kar aah siine se ga.ī hai tiir kī sūrat

aah ye vaqt kā azāb-e-alīm
vaqt ḳhallāq be-shu.ūr qadīm

aah ye zindagī kī tanhā.ī
sochnā aur sochte rahnā

machā.e shor-o-ġhul āh-e-sharar-afshāñ kare har-dam
yahī ausāf lāzim hai to āshiq kyuuñ ho engine ho

husn kī shoḳh-sarī kā yahī hāsil niklā
ātish-e-ishq baḌhī āh-o-fuġhāñ se guzre

is ishq meñ jiite nahīñ bachne ke 'nasīr' aah
ho jā.egā ik roz yuuñ hī kaam hamārā

be-gunāhāñ kuuñ na kar Daalo qatl
aah kuuñ tīr-e-havā.ī na karo

jo ghar bachche-bachā.e the tūfān-e-āh se
vo intizām-e-dīda-e-giriyāñ meñ aa ga.e