Tags-Aah

merī baisākhiyoñ ne aah bharī
jab vo nā-chār girne vaalī thī

mar ga.e lekin na dekhā tū ne ūdhar aañkh uThā
aah kyā kyā log zālim tere bīmāroñ meñ the

aah itnī kāvisheñ ye shor-o-shar ye iztirāb
ek chuTkī ḳhaak kī do par ye parvāne meñ thā

chashm-e-dilbar ne dil-e-zār kī dildārī kī
aah bīmār ne bīmār kī ġham-ḳhvārī kī

jaane meñ vahāñ āñdhī hai ai āh-e-rasā tū
kyā ashk-e-ravāñ sail-e-ravāñ ho nahīñ saktā

sahrā meñ bah chukī haiñ ye āñkhoñ kī naddiyāñ
dil se kamāl-e-āh-o-fuġhāñ is qadar huā

ai āh-o-nāla chhup ke maiñ aayā huuñ is jagah
aalam ko shor kar ke ḳhabar-dār mat karo

karūñ kyūñke inkār ishq aah meñ
ye ronā bhalā kyā hai gar kuchh nahīñ

āh-e-tā-chand raho ḳhānaqah-o-masjid meñ
ek to sub.h-e-gulsitāñ meñ bhī shaam karo

fuġhān-o-āh hai har-dam pukār rakhtā hai
ġhazab meñ jaan dil-e-be-qarār rakhtā hai

'momin' us but ko dekh aah bharī
kyā huā lāf-e-dīn-dārī aaj

us ke shikve se hai asar zāhir
kuchh to kahtī hai āh-o-zārī aaj

hai ashk-o-āh raas hamāre mizāj ko
ya.anī pale hue isī āb-o-havā ke haiñ

hamāre ashk aur aah kī maujeñ bāñdh detī haiñ sab jo duurī
bane haiñ māh-e-falak pe haale ze-āb avval do.am ba-ātish

āh-e-sozāñ ko mirī dekh na dekhā hogā
ki havā aur taraf kī ho dhuāñ aur taraf

bolo sāthī kuchh to bolo
kab tak āḳhir aah bharūñgī

aah vo din jo na aa.e phir guzar jaane ke ba.ad
haa.e vo rāteñ ki jo ḳhvāb-e-pareshāñ ho ga.iiñ

sozāñ na ye chaman ho mire nūr-e-āh se
o gulshan-e-jamāl kā jalva liye hue

hai aah dard-o-soz kī duniyā liye hue
tūfān-e-ashk-e-ḳhūn hai girya liye hue

dekhā jo qatl-e-ām to har laash par ajal
ik aah bhar ke kūcha-e-qātil meñ rah ga.ī